لوهجوس الشاعر تطاوعه في كل حين =عافت وجيه الدفاتر مداد اقلامها
الشعر نبض المشاعر وبوح العاشقين =بالحروف يترجم امالها وآلامها
وأصدقه في وصف عشقٍ تخلـّدْه السنين =ما تغيّره الليالي وطول ايامها
عشقي الأوحد وطن ضم سِيد المرسلين =دولةٍ من منهج الله تسن احكامها
الـبلاد اللي عطاها الولي دنيا ودين =الفخر يبرا لها والسعَد قدامها
درةٍ مصيونةٍ من يدين الطامعين =ما حـَدٍ دنّس ثراها ولا احْدٍ ضامها
وهـْبة الله ماهي بْوهْـبة المستعمرين =راسمين حـْدودها حافظين انعـامها
مملكتنا بين الاقطار مرفوعة جبين =يكفي النور المسطر بعَرْض اعلامها