كل عام وأنت بخير ياغاية الشوق ..
. ياأعز مايطري على خاطر سعيد
ياكامل الأوصاف والحسن والذوق ..
. يالغالي اللي عاش لأهل الغلا سيد
في غيبتك قلبي من الوجد محروق ..
. والعيد وأنت بعيد مايعتبر عيد
أحس ماحولي من الناس مخلوق ..
. والبعد حول فرحة العيد تنكيد
بينك وبين الغير في عيني فروق ..
. الفارق اللي بينك وبينه بعيد
غنيت لك من شعري الحان وطروق ..
. والشعر فيك يزين وبكل تاكيد
إشلون جاء لك نفس بالعيد وتروق؟..
. ماهي بعاده تقهر القلب وتكيد
راجي جنابك والرجاء غير مسبوق ..
. لاتترك الحسرات في قلبي تزيد
إن كان عاد لخاطري عندك حقوق ..
. عيد على قلبي ولو عاشر العيد