رد: سجل حضورك بنكته حلوه والبايخه نمشيها
قصه حقيقيه
وحده تقول زوجي مايحب طبخي ابد..واول مايجلس ع السفره ينتقد..ماعمره كل ساكت..وانا انغثيت منه ومليت..في يوم سويت الغدا واول ماجاء من الدوام سويت نفسي تعبانه وبس وصل وقلت يبو فلان تراني ماطبخت اليوم لكن جارتنا من عرفت اني تعبانه ارسلت لنا غدا..وحطيت له وهو ماغير يضرب بالخمس وياكل وهو ساكت وبعد م خلص قال اي ذا الطباخ ليتك تتعلمين منها بس ..قلت له ابشر ولا يهمك..المهم رجعت وسويت نفس الشي بعد يومين واستمريت فتره ع ذا الحال..وبعدها قلت والله يبو فلان ان جارتنا معييه تعلمني طباخها ..وتقول ان سر رزقها ف ذا طباخ لكن بسوي لك وبفلوس كان اشتهيت شي من عندها اعطني فلوس واطلب لك..بقق عيونه شوي وبعدين قال اي والله خل ع الاقل نحط الفلوس في شي فيه فايده احسن من خرابيطك اللي مالها داعي..كتمت نفسي وسكت ونا ماغير اقول والله لاطلع الفلوس من عيونك ياالاقشر ..وصار يعطيني الصباح قبل يروح الدوام..وانا اتفنن له كل يوم طبخه ..ونفس طباخي الاولاني لكن وش تقولون رجال مايملى عينه شي..ّوبس يجي احط له وهو ماغير يمدح ويمدح ويلمح اني ليت لي وحده مثلها ..وانا كل يوم ازود السعر ..يااني كسبت من وراه ..وبقي ع حالنا ذي..بدال ماكان ياكل بلاش وينتقد صار ياكل بفلوس ومنطم ويمدح ..وبس والله هذي قصتي ..لاشبعت مم فلوس علمته ولا اقولكم ماني معلمته.😅😅💔
|