مجاراه وديه مع الشاعر موسى احمد سحاري ابو ريان
مجاراه وديه مع الشاعر موسى احمد سحاري ابوريان
ابوحمد الريثي
الجو غايم والهـــــــــواجيس جتني
بذكر ياتن في المحبــــــه قــــديمه
واليوم نشكي من ظروفن حدتني
الباب والجلباب صــــــــــارت غريمه
ابوريان
بعض المناظر من وجودي خـذتني
اخذالسحاب اللي تناثر هشــــيمه
وبحب ولفن باالمحاســـــن رمتني
عساك تاتي باالعواقب ســــــليمه
ابوحمد الريثي
بيضـــــــاء لويقه في الهوا ولعتني
واوصـــــــــافها بين العذارى عديمه
كلمتها وبرموشــــــــــــــها كلمتني
لاجـــــــل الولي قايم فربي عليمه
ابوريان السحاري
يابوحمدســـــــــــود الليالي برتني
وخوفي عليك الشوف تبقى سقيمه
قل للنظر خل المــــــــــواجع تفتني
القلب يشقى والوجع في صــميمه
ابو حمد الريثي
بعض الهـواجس يازميلي اوجعتني
واحلام تطري في الليالي الوخيمه
كنها حمول(ن) زايده فــــوق متني
تصبح وتمسـي فوق الاعيان غيمه
مع تحيات متعب الريثي
اللهم استرني فوق الأرض وتحت الأرض ويوم العرض
|