أدمح خطا الطيب لياصار مخطي
وأقبل معاذيره وقدر ظروفـــه

ولاتنهر المحتاج لاجاك مبــلي
خسارة في فعل خير مخلوفــه

أطلق حجاجك لاأقبل الخاطر وحي
بشاشة الطيب كرامة ظيــوفه

ترى الكريم معان بالخير مرهـي
من يترك الماجوب جعله ذلوفـه


لاتقطع الرفقه ولو حبلها لــي
حبل الرفق من يفلته بـان خوفه

رجل بلا ربعه من الناس مجفي
لابد صكات الليالي تـــحوفه

اللي في عينه مايشوف البشر شي
ترى البشر في عيونها ماتشوفه

ومن عوده حظه على بارد الفـي
لابد لفحات السمايم تلوفــه

من رافق الطيب شرب صافي المي
ومن رافق الهافي جفا الما كفوفه

ولاتنكر المعروف لو أنه شـوي
من قدم المعروف رد معروفــه




ترى حكيم الشور ياخذ ويعطـي
نفسه من الراي الدناوي عيـوفه

ولاتقرب الشبهه ولاتخاوي السي
عليك باللي طيبات وصـــوفه



لاتمنع الناصح ليا قال ياخـــي
خذ مايفيد وزايد الهرج طوفــه

لاتطرد المقفي ولاتشاور الــعي
قدام ياكلك الندم والحسوفـــه