صــــــدفه بلاميعاد في الدرب لاقيت
اللي هوى قلبي مــــــن اول لقالي
وعشـــــــــــــت انا واياه مده وياليت
ماقد افترقنا دومت الحــــــــب غالي
وامس العصر يوم انه اقفا وانااقفيت
هلت دموعي مثل وبل الغـــــــــيالي
جلست افكر ســـــــــاعة(ن)ثم ونيت
ونة مريض(ن)قال صـــعب الدواء لي
ياليت هذا القلـــــــــــــب يرتاح ياليت
واسلم من الهوجاس طول اللــــيالي
وانال من للروح دايم تمـــــــــــــــنيت
واقول للحساد جوي صـــــــــــــفالي
مامر يوم(ن)ياهوا البال وامســـــيت
ومااذكر اســـــمك ياالحبيب المثالي
لكن انا في درب حبــــــــــــــك تعنيت
مشيت من شانك دروب(ن)طـــوالي
والحظ ماجاني على ماتمــــــــــــنيت
ومالقيت الا التعب والعنــــــــــــــالي
هموم زادت كل مااصبحت وامســيت
وعزي لمن مثلي طوته الليـــــــــالي
قدمت شكوى للطبيب وتشــــــــكيت
قلت الله يخليك هــــــــل من دواء لي
فقال والله ياولد فيــــــــــــــــك نعييت
امرك غريب(ن)ليس مثله طـــــرالي
فقلت هل من فـــــــــــــايده قال ليت
ماظن يوجد لك دواءي(ن)يقـــــــالي
قلت الله يجازيك ثم قمـــــــــت ناديت
من جاب لي المحبوب واعطيه مالي
فقال كم لك تشتكي قمت عــــــديت
ثم قلت خمس اسنين مرت طــوالي
فقال هل فارقت من كان حــــــــبيت
فقلت خل(ن)هوعزيز(ن)وغــــــــــالي
فقال ماينفعك غيـــــــــــــــره وياليت
تلقاه وينســـــــــــــــيك هم الليالي
كلمات متعب علي الريثي

اللهم استرني فوق الأرض وتحت الأرض ويوم العرض