أنا ماني سوات اللي تجي مع طقت الإصبع
أنا مانى سـوات اللـى توطـي رأسهـا بالقـاع =تجيد الهـرج بلحونـه وتواعـد مـن يواعدهـا
رقيت برجلي العليـا ودربـى غانـم مـا ضـاع =وعوايد ربعي أحفضهـا وعلـى دربـي بعودهـا
لبست من العقل حكمـه وغطانـى العقـل بقنـاع =أخذت من الوفا طبعـي صفـات الخيـر امجدهـا
أطوع بالعقل عقل(ن) بحياته قاسـي مـا طـاع =ظـلام يحجـب عيونـه وأنـا صبحـي يبددهـا
ضويت بداجي الظلما شموعـي والعـرب هجـاع =علوم المعرفـه دايـم علـى فراشـي وسايدهـا
عرفت إن الهوى ساري وعرفت إن البشر أنواع =مشاعرهـا علـى موجـه تذوبـهـا تجمـدهـا
شريت من العرب شاري وبعت من العـرب بيـاع =سوالـف بالقفـا مانـي مـع العالـم بطاردتهـا
أنا ماني سوات اللى تجـي مـع دقـه الإصبـع =أنا مهره بلا فارس عجز منهو يروضها
|