أحب الصمت وجنونه..وصمت الصمت وسكونه..
وهذي فلسفة حبي..وذا قلبي...
أخاف أشكي.. وأسبب جرح
أخاف أشكي.. وأكدر فرح
أخاف أشرح.. ولا أوفي
ويضيع الحب.. ويضيع الشرح
حروفي قاصرة جدا وأناقاصر بفن الطرح والإلقاء..
أجر المبتدأ..وأنصب وأضم الياء..
أنا خريج كلية أصول الحب..أعرف الجرح من نظره..
وأعرف الطب ولكن علتي التعبير..أحس إني صغير بالتعبير..
والتفسير..
والتصوير..
والتخدير..
وأحس إن الحروف أقزام..أمام الشوق والإلهام..
وأشوف إن الكلام يضيع..مثل ذره بكون وسيع..
إذا ماشفت محبوبي..
بعد عمري..
بعد قلبي..
بعد شوفي..

ترى في الصمت آلاف اللغات تعيش..
وبوسط اللغات..حروف تطير بلا جناح..
تغرد وسمع يسمع..تقول لين الفجر يطلع بلا تمثيل..وبلا تضليل..
تترجم حالة الاحساس..بلا احساس..
تغني أنت أعز الناس..وأحب الناس..
وأغلى الناس..
وأقرب الناس..
حديث الصمت..يازينه حديث الصمت..
بين عيوني وعيونك..وبين فتوني وفتونك..
يخلي نبضك الولهان..يسافر في شراييني..
ويخلي قلبك الشفقان..بلا صوت يناديني..
حديث الصمت..به تعلمت
أنا شلون أعد مساحات العمر كله..
وأسابق مستوى التفكير وأشله..
وأفكفك لغزك المدفون وأحله..
لجل حبك انا نجم غدا ساطع..وفي حبك ابتمرد على الواقع..
ابكتب ألف قاموس..يضم أول حروف اسمك..
وبضع ألف ناقوس..يدق آخر حروف اسمك..
وترى علمي وكل العلم..قطرة من بحر علمك..
وترى عدلي وكل العدل..ثواني من زمن ظلمك..
أنا ماأقول أحبك..
قديمه قولة أحبك..
يتيمه قولة أحبك..
عقيمه قولة أحبك..
سخيفه مالها معنى ولا مضمون..سخيفه مثل شمعه بشمس الكون..
تعديت الهوى والحب..
أنا في مرحلة حب....
تفوق الحب
تفوق الوصف
والتوصيف
والتخريف
أناحبي تعدى الحد..أنا جمره بعز الصيف..
مااااااتتبرد...

مماراااق لي
تقديري واحترامي للجميع