رد: الزوجة الثانية / نقاش
السالفه بعيده عن المهازل والمزاح
نعم يحق للزوج شرعا الزواج بالثانية والثالثه والرابعه والآلف الله يقويه ، ولكن ماذنب الاولى ان يكسر قلبها ويتجاهل مشاعرها
من اجل نزوه زائلة هذا لو افترضنا انه تزوج بدون سبب ولا سبه ماغير شطره بطره وعيون زايغه وقلب اناني مايفكر الا بنفسه
طبعا من حقه يتزوج بدون مشورتها او اخذ اذنها العصمة والسلطة بيده وهو حر نفسه ولكن عليه اغماض عينيه عما سيترتب بعد ذلك
تشتيت شمل العايله والنظرة الاحتقاريه من زوجته الآولى التي ستآسف على كل كلمة جميلة قالتها له ، مهما ابدت رضاها امامه فهي غير صادقة
وداخلها بركان ينتظر ساعة الصفر لينفجر ويفجر من حولها ،، !!!
بعدين يبوساري وش خصنا حنا بالعوانس تبنون سعادتهن وسترهن على تعاستنا وتحطيم قلوبنا وضياعنا !!؟؟
ماكل زوجه ستقبل بالزواج عليها وخاصة اذا كان من باب التنطع واختلاق اعذار واهية لايقبلها عقل ولا منطق !؟
انا ماادري مين هذي الانانية الي تقبل تدخل على بيوت آمنة وتهدمها ؟؟!! ياستي ابعدي بعيد عني مو وذنبي انك وصلتي لِسن متآخر وفاتك القطار
ومالقيتي ترمي بلاويك الا عليه وعلى بيتي واطفالي ، ياستي شوفيلك آرمل ولا مطلق وبلاش تهدمي اسوار بنيت على المحبة والآخلاص
ياستي لاتصدقيه اذا قال حبيتك ومااقدر استغني عنك ،، يمكن يكون محتاجك صح بس ثقي تماما انو اذا اكتفى من الاحتياج المزعوم راح
يرميك ويرجع لزوجته وعياله وبيته الآولي ،،!!؟؟
صراحة ملاحظة انو الزوجة الثانية صارت موضه بين الرجاجيل مدري وش الآسباب ؟؟!!
يعلم الله وتعلمون ان معظم الزواجات مالها اي سبب مقنع غير تبطر على النعمة وعدم انضباط في السلوك ...
مهو صاروا البنات يعرضن انفسهن عرض في الشارع وعبر برامج التواصل بلا خوف ولا حياء والمغفلين امثالكم
هم الضحايا ،، ضيعتم زوجاتكم وفرقتم اطفالكم وزرعتم الكره والضغينه في كل القلوب بسبب هذا التصرف الآرعن.
طبعا استثني من يتزوج بِسبب واضح للعيان وتكون زوجته وابنآءه متفهمين الوضع ورآضين تماما .
تراني شاطحه ناطحه وعندي احساس ردي بينحذف بس تكفون خلوه كم يوم علشان رسالتي تصل للمعنيين بعدين سوو الي تبغون
اعتذر منك ابو ساري واشكرك على موضوعك الرائع وهو في محله ومتزامن مع المجريات الحاليه للزواجات المتكرره ..
|