السلآم عليكم ورحمة الله وبركاته
ممآ راق لي من قصايد الشآعر ناصر الضويحي
ياهاربه لجل الحضارة من الريف
الريف عنوان الشرف والنضافه
يانرجسيه بالطبع والتواصيف
باقي تدزي صورتك للصحافه
اعماك حب الذات يأم التصانيف
ومن التخلف تدعين الثقافه
ثقافتك محصورة بالنفانيف
غز الله انك للنفانيف آفه
يامستخفه دمها بالسواليف
دمك ثقيل ولا بحكيك لطافه
تاصلني الاخبار من دون تحريف
يامسويه ريجيم لجل النحافه
قدوتك مادونا مع ابريك ياحيف
وين احترام الذات لاواحسافه
وطعامك الكت كات عقب المراهيف
وعقب الصبوح اتفضلين الجوافه
تبجحين بكشختك والمصاريف
وبالسايق اللي كل مخلوق شافه
بينك وبينه صار مافيه تكليف
بسم التطور رافعين الكلافه
ماظن بالسايق تنالين تشريف
شكلك معه من دون محرم سخافه
سعادتك يالضايعه كلها زيف
كشفتلك شي قديم اكتشافه
دنياك ماتعطيك دايم على الكيف
يجيك من يقلب عليك الكيافه
من واقعك شرحتلك بعض ماشيف
صراحة مني ولاهي لقاااااااافه
واحب اوضحلك قبل سفرة جنيف
عن جملة فيها شوية ظرافه
حبك رحل عني مع اواخر الصيف
وطاريك قلبي قبل سمعي يعافه