هل سمعتم الغرب ماذا يقولون عن النساء السعوديه
إنا سمعنا, شيئا عجاب
قالوا كلاما لا يسر عن الحجاب
قالوا خياما علقت فوق الرقاب

قالوا ظلاما حالكا بين الثياب
قالوا التأخر و التخلف في النقاب
قالوا الرشاقة و التطور في غياب

نادوا بتحرير الفتاة و ألفوا فيه الكتاب
رسموا طريقا للتبرج لا يضيعه الشباب
رد عليهم الشاعر الغيور ناصر القحطاني
سأترك لكم اجمل القصـآيد عن النسـآء

النساء روح المساء..و..الليل لو فكر يبات
كان مافيه اغنيات..و..كان ماله ذكريات
وكان مافينا عظيم..و..ما لأمانينا حليف
ومابنا قلب وليف..و..لا لنا قصد شريف
النساء نصف الحياه الا النساء كل الحيات
آآه يا اسرار الخوات آآه يا احلام البنات
آآه يالطيش الطفولي آآه يالحزن الشفيف
آآه يا العشق العفيف آآه يالجنس اللطيف

علّمن حتى المرايا والشبابيك اللغات
والرسايل والدواة صارت أعذب مفردات
كم بكن وانكف مبصر واضحكن وابصر كفيف
ورمشن واهتز سيف وهمسن وامتد ريف

كم غدن لخوانهن عزوه صناديد عصاه
بين صفق المرهفات وبين ضبح العاديات
طاحت اشناب وكراسي وانطلق دمع ونزيف
واعتلا الخف المنيف والمقابر تستضيف
في بلادي يحسبون ان النساء متخلفات
في المساء مستوطنات وفي الضحى مستعمرات
مادرو عنها البيارق شمخ العرض النظيف
فزعه الدين الحنيف شجره العز الكثيف

النساء ضلعن عوج لولاه كل العذل مات
مالهن عنا فوات ولا لنا عنهن غنات
تبرق الدنيا على يديهن ويغنين القنيف
نطمع بتكريم ضيف ونوقف بيومن عصيف
النساء موج على بحره منايا وامنيات
والنساء مركب نجات نسأل يالله الثبات
هن لباس وهن فراش وهن معاش وهن رغيف
ان فتك جوع مخيف وان حد رجال حيف

النسا حتى شراب الجنه العذب الفرات
تحت ماطى الأمهات يالهن من مكرمات
كل ما عود بنا الكد أقبل ابن آدم ضعيف
له ورا البيبان طيف مثل نسناس المصيف

كم مكان يعرض اعراض نساء وسيدات
والهوى له بايعات والغلاف وله فتاه
والحسن تشبيرعنق وطول وخصر نحيف
وشي ماينشاف شيف لجل الاول والوصيف
شهب تشابه رسوم الشاشه المتحركات
مال زمتهن طرات ولا لهن ملح وحلات
لاربيع فيه خير ولابه ألا بروق صيف
والشتا مابه رفيف يحيي اوراق الخريف

غاده وسجاده وكفين وحجاب وصلات
من صبايا محصنات من عروق طيبات
اطهر من الفين منظر كلها فتنه وزين
في رجا الصبح الكسيف واجره الليل السخيف
لي مناح لي خلايه كلها سكر نبات
لي حصون ناعمات لي حصون شامخات
لي قوارير ملاها العقل والدم الخفيف
خلفها العمر الكليف ودونها الحد الرهيف