أنا لاقلت لي شلونكـ وأنـا ضايـق أقـول بخيـر
مدامك سائـلٍ عنـي أكيـد إن ضيقتـي راحـت

أنا من كثر ماحبـكـ أشوفـكـ فـي عيونـي غيـر
تضيق النفس من غيرك ولامـن شفتـكـ ارتاحـت

أحبك كثر .. ماتطـري فبالـي وتشغـل التفكيـر
كثـر .. ماشيلـك بعينـي ونـاسٍ منهـا طاحـت

أحبك كثر .. ما أدمح خطـاك إن خانـك التعبيـر
كثر .. ماخانت الرفقـه بكتـم أسرارهـا وباحـت

أحبك كثـر .. صقـارٍ تولـع فـي محبـة طيـر
كثـر .. مادلـة الطيّـب بريحـة هيلهـا فاحـت

أحبك كثر .. ماحس بشعـور إنـي عليـك أغيـر
كثر .. مازيح هالغيره عن أفكـاري ولا انزاحـت

أحبك كثر .. مالك داخلـي حـب وغـلا وتقديـر
كثر .. ماغبت عن عيني ودموع امفارقك ساحـت


تصدق !! من عرفتك صرت أحبك .. وأكره التغيير
وأنا اللي كنت أعشق كـل نجمـهـ بالسمـا لاحـت

تأكد كـل ماتسأل عـن أحوالـي أكـون بخيـر
مدامك سائـلٍ عنـي أكيـد إن ضيقتـي راحـت