منتديات قبائل ال تليد - عرض مشاركة واحدة - تزوجت على زوجتي وانآ اعشقهآ . . والأسبآب !! ؟

11-30-2015

هددت زوجتي كم مرة اني رآح اتزوج عليهآ

و كآن ردهآ اني مآ اقدر و تقولي اتحدآآآآآآآآآآآآآك

ولآتقولي لو تزوجت علي بروح و اخليك و اطلب الطلآق اصلا مآ عآد ابيك لآتزوجت علي

و من هل كلآم

قلت لهآ ارجعي لعقلك و ارجعي حبيبتي القديمة .. بس مآفي فآيدة

اشتكت لنآس على
خلت امي و خوآتي ضدي لأنهآ غآلية عندهم

نكرت كل الزين الي اسوية لهآ

و كنت افهمهآ الحيآة مو كلهآ حلوة و بس حلو الوآحد يتذكر الشي الحلو فيهآ

و انتي الله يهديك مآيهمك الي رآح و الي سويته معك اهم شي عندك اللحظة و بس

كآنت تحب تنبسط في لحظتهآ و لمآ تخلص هل لحظة تنسآهآ و يجي بكرآ و تبي نفس الأمس

و طآقتي مآتقدر على مجآرآتهآ

اهملت نفسهآ و شكلهآ

سريرنآ الي كآنت كل اسبوع تغيرة صآر يجلس في الشهرين و الثلآثة

ملآبسي مآكآنت على اكمل وجة كآن كويهآ مو مرتب
ملآبسي وصخه
مرة من المرآت طلعت في فنيلة دآخليه من امس لآبسها لأنهآ مآغسلت الملآبس ولآ لقيت شي نظيف البسه

لمآ قلت لهآ ابي اهتمآم في شكلك و بالبيت قآلت مآ الحق ابي خدآمة

صرآحة انآ مآ احب احمل زوجتي فوق طآقتهآ

انآ مو رآعي عزآيم ولآ كنت اتشرط في اكلي و شربي اي شي تطبخة آكل
لدرجة انهآ كل يوم تسوي لي نفس الطبخة ولآ كآنت عندي مشكلة اهم شي اكل نظيف و لذيذ و لمآ امل و المح لهآ تغير تقول مآ الحق انآ تعبت
جبت لهآ خدآمه و بعد الخدآمه الأولى جبت خدآمه ثانيه

خدآمتين في البيت

برغم اني اشوف اجنبيآت ببيت و اطفآل و مآشآء الله مهتمه في بيتهآ و بلبسهآ و عيآلها و مآعندهآ خدآمه

بس معليش عشآن خآطر زوجتي قلبي حبيت اريحهآ

لقيت في تطور

البيت نظيف و الاكل صآر فيه تنوع الملآبس نظيفه و مكويه

الآ شي وآحد مآتغير...

زوجتي لسه بجلآبيتهآ رغم انهآ صغيرة و جسمهآ حلووو

لسه بشبآشب البيت

ادخل عليهآ الآقيهآ قدآم التلفزيون ولآ تكلم بتلفوون ولآ نآيمه ..... و تتعلل انهآ تعبآنة ولآ اعذآر ثآنيه

و في الأخير قررت أسوي نفسي اني رآح اتزوج عليهآ بس عشآن أأدبهآ

خليت وآحد من اصدقآئي اخوة يعرف اخوهآ و يقوله قل لفلآن ان فلآن نسيبك خآطب من عندنآ
عشآن يوصل لهآ الكلآم

و فعلآ وصل لهآ و تغيرت اسبوع كآمل وهي بكآمل زينتهآ و حلآوتهآ و رجعت عروسي الجميلة
و سألتني اني كنت نآوي اتزوج و انكرت عشآن اقلقهآ

بس اصرت و قلت ايه

توقعت انهآ بتترجآني اني مآ اتزوج او تقولي وش مقصره عليك عشآن تفكر تتزوج

بس قآلت طلقني و ودني بيت اهلي و صآرت تصيح و تصآرخ زي المجنونة

و على فكرة هي مو اول مرة تزآعق و تخبط في الأثآث ولآتكسر شي قدآمهآ كم مرة و صبرت عليهآ

المهم حآولت اهديهآ و وقفتهآ و مسكتهآ بقووة و قلت بس قولي لآ تتزوج و مآرآح اتزوج
قآلت لأ اتزوج اصلاً انآ مآ ابيك
و رآحت لبيت اهلهآ و خطتي مانجحت و خليتها و طلبت الطلآق و قلت لهآ مآرآح اتزوج .. بس اصرت عليه

و طلقتهآ

بعد الطلآق اسودت الدنيآ فعلاً بعيني كنت اشوف صورة زوجتي في كل زآويه و كل مآتذكرتهآ قلت الله يهديك يآحبيبتي يآنور عيني وشلون هنت عليك

بس من برآ كنت مثل الاسد
مآيهمني شي و كنت اكآبر و اقول بدآل المره 100
و كل مآقآل لي احد نبي نصلحكم اقول لآ مآيحتآج بدور لي بس على زوجه ثانيه و هذي خليهآ يجيهآ نصيبهآ و انآ قلبي يتقطع من جوآ

رحت لفترة عمل في بلد عربيه و كآن شريكي في التجآرة متزوج من وحده في هذيك البلد زوآج مسيآر لآ اهله ولآ زوجته تدري

المهم كآنت عندهآ بنت اخت حلوة و كآن عمرهآ 20 سنة و كآن صديقي يقنعني اني اتزوجهآ

و فعلاً تزوجتهآ لأني كنت محتآج زوجه

كآنت مؤدبة خلوقه
ترضى بالقليل و كآنت تقولي مآ ابي غير الستر
و كآنت موآفقة اننآ نخلي الزوآج بالسر و مسيآآآآآآر

بس انآ مآ كنت احب هل نووع من الزوآجآت و انتقدهآ
سويت اورآقها و جبتهآ معآي لمدينتي و دخلتهآ على اهلي و كآنت صدمة و مآتقبلوهآ

كنت احآول افرض احترآمهآ مثل مآسويت مع زوجتي الاولى بس مآكآن فيه تقبل
سكنتهآ في نفس السكن الي كآنت فية زوجتي الأولى و كآنت زوجه مطيعه
فجأه قسى قلبي على الأولى لمآ نستني الثآنية ذكرآيآتهآ
اخذت اطفآلي منهآ و خليتهم معآي في البيت
كآنوآ 4 أطفآل ولآ فيه في البيت خدآمة و مع ذلك قآمت فيهم و نوعت في اكلي و نظفت البيت و ملآبسي مكويه و نظيفه
انآ مآكآن همي في البيت كثر ترتيب الزوجة و ابتسآمتهآ

من تزوجت الثآنية مآقلت لهآ احبك ... و مع ذلك مبسوطه معآي و قآيمه في وآجبي وهي الي تقول احبك

حسيت اني ملك من معآملتهآ

اول مآ ادخل شآلت شمآغي و اخذت ثوبي و قآبلتني بكآس عصير بآآآآآآآآرد ابرد فيه اعصآبي بعد حر الجو برآ

انآم ولآ اسمع اصوآت اطفآل برآ عكس حبيبتي الأولى الي كآن الأطفآل يدخلون غرفتي و انآ نآيم و يصيحون

كآنت تآخذهم فترة قيلولتي لغرفه ثانيه اخر البيت و تجلس تلعبهم

و مره و انآ في الدوآم جتني رسآله و قلبي الي كآن قآسي و حجر صآر يبكي شوق و لهفة

كآنت رسآله من زوجتي الاولى

كآنت تسأل عن احوآلي و كيفهم العيآل و قآلت انهآ مشتآقه لهم و تبي تشوفهم

على طول رحت للبيت و اخذتهم و وديتهم لهآ

طلبو مني ينآمون عندهآ خليتهم عندهآ الآ الكبير رجع معآي و انآ بالسياره أسأله كيفهآ امك ..؟ و مآنآقصهآ شي

و بعطيك فلوس بس لآتقول انهآ مني و عطهآ امك كأنها منك

صرت كل ليله افكر فيهآ و بأول ايآم زوآجنآ صرت اتذكر الأيآم الحلوه و قلبي صآر يلين شوي شوي
و قررت اني ارجعهآ

حبيت أرجعهآ ... بس مآعرفت كيف كآن كبريآئي يمنعني لحد مآجت من الله

عمهآ قآبلني في مكآن عملي و قآل وش رآيك ترجع بنت اخوي و من هل كلآم على طول قلت برجعهآ بس عشآن جيتك لمي و عنوتك

و انآ قلبي كآنت طبول و اعرآس من جوآتي ..
رجعتهآ .. و سكنتهآ في نفس البيت

و بدت المشآكل الضرتين

صرآحة كآنت المشآكل اكثرهآ من زوجتي الاولى الله يهديهآ

كنت اقسى عليهآ و اعرف انهآ تعبآنه دآخلياً بس مآكنت ابيهآ تتمآدى في اخطآئهآ

و للأسف مآتغير شي كثير من شخصيتهآ

بس زآدت

كآنت تجلس معي و تقول من تحب اكثر انآ ولآ هي

و من احلآ انآ ولآ هي

صرآحة زوجتي الثانيه لآتقآرن جمآلها بجمآل الاولى بس كآن قلبي يهوى الاولى و يحبهآ

بس هي مآكآنت تفهم هذآ الشي

كآنت مستحيل و من سآبع المستحيلآت زوجتي تطلع من البيت و انآ موجوود

لأنهآ مآكآنت تبيني اخذ رآحتي مع الثآنية على الاخير ... و صرآحة كنت مبسوط دآخلياً لأنهآ تغآر...

زوجتي الثآنيه قررت تسآفر عند اهلهآ كم يوم لأنهآ اشتآقت لهم و خليتهآ تروح
فكآنت فرصة اقوي علآقتي مع زوجتي الأولى مرة ثآنيه و يفضآلنآ الجووو

بس مآصآر الي في بآلي

صآرت زوجتي لآهية في طلعآت و دخلآت مثل اسلوبهآ اول
كنت اتمنى انهآ تجلس مثل مآكآنت تجلس عندي ولآصقه فيني 24 سآعه لمآ كآنت زوجتي الثانيه موجوده

و اذآ قلت لهآ لآ تطلعين اجلسي جلست بس بدون نفس طيبه
مكشره و حآلتهآ حاله

يآلله يآزوجتي متى تفهمين رغبآت الزوج ... صحيح انآ انآني و الرجآل انآنيين يبون الوحده كامله

بس انآ من جهتي مآقصرت عليك ... فيآليتك عطيتيني نص مآعطيتك

حتى لو انآ مقصر في بعض النوآحي من وجهه نظرك

.................

جتني مكآلمة في الليل من الدوله العربيه قآلو لي ان زوجتك تعبآنه مره سآفرت لزوجتي الثآنيه و كآنت تعبآنه مررررره
لمآ كشفوآ عليهآآ لقو عندهآ سرطآن و في الثدي ...

و انشغلت فعلاً عن زوجتي الاولى مع الثآنيه المريضه
رغم مرض زوجتي الخطير زوجتي مآرآعت هذآ الشي منعتني اني اسآفر انآ ويآهآ لحآلنآ للخآرج لعلآجهآ
و مآكآن مني الآ اني اخذهآ معآنآ هي و الأطفآل
و تخيلآو الثقل و المسؤليه شلتهآ معآآآآآي
كنت اتركهآ في البيت و اروح للمستشفى لموآعيد الثآنيه فلمآ ارجع نفس الطريقه ترجع وش رآيك نطلع نتمشى و نغير جو حنى و الأولآد و انآ طفشآنه و الأولآد طفشآنين
انآ كنت معصب توني جآي من المستشفى فصرخت عليهآ و قلت محد قآلك تجين معآنآ و ترآك مثقله على و محملتني مسؤليتك انتي و بزرآنك.... قلت هل كلآم و انآ في كآمل غضبي
بس مآ انلآم كنت مضغوووووووووووووووووووووووووط

زعلت و سوت لي هوآش في ذآك اليوم و قدآم الأطفآل و كلمه مني و كلمه منهآ ضربتهآ كف
و قلت تسآفرين الاسبوع الجآي و تنقلعين لبيتك
سفرتهآ و جلست 5 شهور و حآلة زوجتي كل مآلهآ تدهور للأسوء لحد ما انتشر المرض و طلبت مني اوديهآ لأهلهآ و فعلاً وديتهآ و توفيت الله يرحمهآ و يسكنهآ جناته

رجعت لديرتي و كنت من بعد هل تجربه تحولت لإنسان ثآني مآيعرف الصبر
ولآ الكلآم اللين و تغيرت 180 درجه
صرت عصبي على زوجتي لأتفه الاسبآب
صرت ازعل على الكبيره و الصغيره

لأنهآ و بكل بسآطه استنفذت صبري
اتستفذت رصيد احترآمي لهآ
أستنفذت كل شي

................

و مع هل اسلوب و التوتر بيننآ قررت اتزوج مرة ثآنيه بس هل مره من نفس ديرتي...

و بفترة البحث عن عروس جديده كآنت زوجتي الأولى تلبس لي
و تغيرت
و طلبت مني اني اسفر وحده من الخدآمآت
و كآنت تبتسم لي و تغير اسلوبهآ معي

بس مآكنت اشوف هذآ التغيير
لأني كنت اخآف انهآ ترجع مثل كل مره تتغير اسبوع او شهر او شهرين و ترجع لعآدآتهآ القديمه

بس مر شهر شهرين و ثلاثة و زوجتي مآزآلت كمآ هيآ
مهتمه فيني و بلبسي
و كآنت تسوي مثل مآكآنت زوجتي الثانيه الله يرحمهآ مآتسوي كآنت تستقبلني بكآس العصير لمآ اجي من برآ

كآنت تآخذ الأطفآل لآخر البيت تخآف يزعجوني

بس كآنت هل مره الاخطآء مني انآ
كنت قآسي معهآ... بآرد في كلآمي...مآ القي لهآ اي اهتمآم.. كان هل اسلوب يضآيقني بس مآكنت عآرف ليش مستمر في نفس المعآمله رغم اني ملآحظ التغيير....

و لقيت العروس الثآنيه و خطبتهآ و قررنآ وقت للملكه
و رحت لزوجتي الأولى عشآن اعلمهآ
و لمآ قلت لهآ
توقعت ذيك المجنونه الي تطلع من طورهآ تكسر كل البيت و تصآرخ و تتلفظ بألفاظ مآتنآسبهآ كأنثى
بس لاآآآآأ

دمعت عيون حبيبتي .. و كآنت دموع بدون اي صوت
و قآلت بصوت مخنوق الله يوفقك..و يوفقهآ
قلت لهآ و انآ اتصنع القسآوه ترى ملكتنآ الخميس الجآي
و جآء يوم الأربعآء و انآ طآلع للعمل جت زوجتي و قآلت بزوآجك الثآني قلت لي لو مآتبيني اتزوج قولي لآ تتزوج

انآ الحين اقولك لآ تتزوج و بكت بصوت عآلي و قآلت لو مآترآجعت عن قرآرك مآرآح الومك لاني انآ اخطيت كثير في حقك .. بس رآح اضل لك زوجه مخلصه . و مآرآح اطلب الطلآق هل مررررررررره

جآء يوم الخميس الي هو يوم الملكه كنت متضآيق مو فرحآن

مآ ودي اقهر عمري روحي حيآتي الي مآتدري وش كثر انآ حآبها و اغليهآ
مآ تدري ان دموعهآ مآتهون على .. و طلبآتها بالنسبه لي اوآمر
بس الشكوى لله انآ عطيت الكلمه للرجآل و الملكه اليوووم مآيصلح ...
ركبت السيآره مع اخوي الله يصلحه شوي مطيووور و رجه و جريء و علمته و قلت والله ام فلآن مآتهون علي و بيني و بينك مآودي اتملك اليوم قآل اكيد مآودك قلت ايه

قآل طيب قل انك استخرت و مآ ارتحت .... قلت له لآ صعبه يآرجآل مو حلوه قدآم الرجآجيل

قآل خلآص انآ عندي الحل .. قلت وشلون قآل لآ بعدين تعرف المهم دخلنآ بيت اهل العرووس
و اخوي كآن يحكي مع اخوهم برآ و كنآ نحتر المملك شوي و اخوي يجلس و عقب كيذآ ربع سآعه الولد نآدى ابوه
و انآ مآ ادري وش السآلفه
المهم نحتري المملك مآجآء و قآل الأبو اننآ نتصل على جوآله مآيرد
على العموم تفضلوآ على العشى و اذآ مآتملكو اليوم يتملكون بكرآ

بعد مآخلصو الرجآل من العشى جآء لمي ابو البنت و قآل والله مآ ندري وش نقولك
.. بس البنت عييت تقول انهآ مو مرتآحه

انآ فرحت دآخلياً و بنفس الوقت مصدوم مآ ادري وش المشكله ...

و دريت ان اخوي هو السبب و الي فركش الدعوه و خلآهم هم الي يرفضوني

رجعت لبيتي و دخلت على زوجتي و كآنت فآرشه سجآدتهآ و تدعي و ضميتهآ لصدري و علمتهآ اني مآ اتزوجت فجأه اسجدت وهي تصيح و انآ جلست اصيح معهآ....

عرفت ان زوجتي اول مآإبتدت تتغير للأحسن كآنت قآطعه علآقتها مع صديقتهآ الي كنت شآك انهآ ورى تغيير زوجتي

رجعت لزوجتي و حبيته اكثر من الأول
و الحين الحمد لله مآفيه دوله الآ مسآفرين لهآ لأني ارتحت الحين مآدياً ولآ فيه شي يشغلني عنهآ زي اول

و نصيحة لكل زوجه اصبري على زوجك و سآعدية في كفاحه في عمله
و الشكوى لله ترآنآ متطلبين و غثيثين بس استحملونآ

و هذي قصتي