متعب الريثي

لاقلت انا للشــــــــــــــعر ياجي بياجي
من فضل ربي ماشــــــريته باالاثمــان

هواجســــــــــي دايم تريح انزعــاجي
واكون طول الوقت باالفكر طــــــــربان

وان زاد نبض القلب والفكــــــر هاجي
اقول عذ باالله من كل شــــــــــــــيطان

عادل الطارقي

وانا مع الاشـــــــــعار بااعرف خراجي
واكتب حروف الشــعر في كل الاوزان

واسري مع الهوجاس في ليل داجـي
في خبت مقفــــــر مابه انس او جــان

في ليلة(ن)ظلماء وشعري ســراجي
اضوي بها دربن مشيته ولي شــــــان

متعب الريثي

ياعادل بجـــــــــــــيتك جـــبت ابتهاجي
وكنت انا ياخـــوك مهموم حــــــــــيران

يوم مشــــــــــيت بدرب فيه انعواجي
واليوم لي صـــاحب فهيمن وبطــــران

عادل كما بحـــر(ن)بموجـــــــه يهاجي
ومتعــــــــــــب الريثي كـــما رعد دنان

عادل الطارقي

مليون وانعم ياســـــــــميح الحجاجي
ياشاعرن معروف في كل الاوطـــــان

خــــوتك تبقى لي على الراس تاجي
انت الخوي وقت المصايب والاحــزان

واجمل تحيه من جــــــــميل المزاجي
توصلك مع وردن وعطــــــــرن وريحان

متعب الريثي

تسلم ويسلم منطق(ن)كاالسراجي
يضوي دروب الشــــــعر لمباته الحان

ياالطارقي بحر المحبين هـــــــــاجي
واجتاح قلبي دون رحمه وشـــــفقان

ماظن في بحـــــــــــر المحبين ناجي
ماقد سئلت انسان لاقال غرقـــــــان

كســر ضلوع اهل الهوا كاالزجـاجي
الكل يشكي منه والظلم قــــــد بان

مع تحيات متعب الريثي

اللهم استرني فوق الأرض وتحت الأرض ويوم العرض