الهلالي كشر وعصب وقال .. كان تبغاها نشب قلنا نشب
وان تبيها بالأدب قلنا تعال .. بالنشب والا تبيها بالأدب
جيت رافع هامتي فوق الطوال .. ماحسبت حساب هرجك واللعب
أتحدى وأتحدى لو محال .. أتحدى بالهلال أطلق شنب
من هو اللي مايحب اعظم هلال .. غصب عنك ياعذولي تنطرب
مافتح يوم لخصومه مجال .. يعتبر في كل حالاته صعب
يلعب وفنه بلعبه لايزال .. غصب عنك تصفق لالعب
شف جهود ولعب واخلاص العيال .. تنفعل في كل كورة تنلعب
طارق التايب وياسر لك مثال .. يطربون إن كان ودك بالطرب
وين ماتبغى تكلفهم رجال .. فاولات أو في بلنتي محتسب
وش تبي غير الروابع والجمال .. كل مايطرا من فنون اللعب
يااخي استمتع بتكتيك الهلال .. يوم يلعب .. يوم ممتع مرتقب
والصراحة ودي اكتب فوق شال .. أعشقك ياازرق ومتعصب وأحب
والزعامة لالازعيم بلاجدال .. الزعيم بجد فعلا منتخب
الهلال أكبر من اللي به يقال .. الهلال أكبر من اللي ينكتب
ذي حقيقة واضحة ماهي خيال .. مستحيل ان فيه زعيم بلاذهب
محمد آل شيبان

النجـــــــــــــــــــم الســــــــــعودي