لاتكحل يااريش العين وشهولـه
الله اللـي ياحبيبـي مكحلـهـا
الهدب ليلًً كسى الخد من طولـه
تنكسر شمس الضحى يوم ظللها
من سبايبها الشياهيـن منقولـه
فتنـة مـن شافهـا ماتحملهـا
كن سيوف الهند يابنت مسلولـه
من عيونك كل ماجيت انازلهـا
في بحرها الموج لاشل محموله
وين مايرسي رموشك سواحلهـا
من يلوم القلب يانـاس قولولـه
القلـوب الميـتـه مانجادلـهـا
يابعد عمري والازوال يازولـه
لا اقبلـت مـاودك الا تقابلهـا
كل ماسلهم وسولـف بمعسولـه
ابتدت قصة غرامي مـن اولهـا
وكل مانقض جروحي بمجدولـه
جيت مع عفر القصايد اهوبلهـا
في قصيدي مالحقتـه ولااطولـه
بس ذكـره بالقصايـد يجملهـا
ماقدرت اكتب جماله على اصوله
راح يكتبنـي جمالـه وكملهـا