يادولة التوحيد يادار العروبة والسلام
ياقبلة الإسلام يانبع الرساله والهُدا

يااقدس بقاع الكون يااطهرأرض لو كثرالكلام
يامنبع الإيمان ياصوت الحقيقة والصدا

على يدي عبدالعزيز إمامنا إبن الإمام
توحدت كل العرب والشر بأذن الله غدا

قضى على الفتنه وزاح الظلم والعدل إستقام
واصبح وطن واحد على شرع الكتاب موحدا

أباد حتى ألعنصريه وإنقفل باب الخِصام
انا أشهد إنه سار في نهج الشريعة وإقتدا

واليوم حِنا تحت راية حكم سلمان الهُمام
ياجعلنا ياسيدي من حضرتك مانفقدا

بقيادتك أمن ورخاء وبلادنا فوق الغمام
والدار بوجودك ياخو نوره بالأفراح إرتدا

يحفظك ربي ياسليل ألمجد ياعالي المقام
وتعيش ياذخر العرب ياجعل حظك يسعدا

ومحمد الزيزوم في الميقاف والحُر القطام
ولي عهد المملكه كلاً(ن)بفعله يشهدا

شبيه جده بالوسامه والسياسه والنظام
إبن الملك جده ملك ومن شيوخاً(ن)وعقدا

وحِنا مع حُكامنا ناقف ليشتد الزحام
وأهل الحسد باحسادهم تموت وعساهم فدا

ونجدد البيعه ونعلنها على طوال الدوام
هذا عهد برقابنا يبقى على طول المدا

يامملكتنا لايهمونك خفافيش الظلام
أرواحنا دونك فدا وأولادنا دونك فدا

لاجا نهار المعركه نرقص على اسيوف الحسام
ماهمنا ماهمنا نلعب لُهم لحن الحِدا

حِنا رجاجيل الحرايب ياعديمين الذمام
وعدونا يلقى نهار المشكله يوم أسودا

صفوفنا متوحده على المسيره والنظام
ولنا مع افراح الوطن في كل عاماً(ن)موعدا

يامملكتنا دامت الافراح عاماً بعد عام
ويعيش سلمان الحزم في خير وتموت العُدا

وانا على شان الوطن وملوكنا قدر ومقام
سطرت جزلات القوافي والبيوت الشردا

كلمات/ ابوخالد