البرد ماهو برد عرعر وﻻ الجوف
وﻻتبوك الثلج وجبال حايل

البرد برد القلب في داخل الجوف
ﻻحال مں بين المحبين حايل

البرد برد الشام يامبعد الشوف
ولا القلوب ألها حلول و بدايل

برد و فقر وامطار وثلوج مع خوف
وابشع جرايم دون جرم ودلايل

حتى اصبح الموضوع للعين مألوف
نشوفهم نحزن دقايق قلايل

واذا فزعنا فزعة اقلام وحروف
حتى بفزعتنا تشوف الهوايل

ياشامنا وجه العذر منك مخطوف
ولاعاد بيدين العرب من وسايل

لكن لك الله ملتجى كل ملهوف
يغنيك عن فزعة شعوب وقبايل

شكراً من الأعماق ((نسيم الجنوب)) على التوقيع