دكتور قلبي تلف
.
.

دكتـور قلـبـي تـلّـف والــروح مسلـوبـه
والنفس ذابت أسى فـي داخـل اعماقـي

والشوق دمعة نـدم مـن مـوق منكوبـه
طاحت وطاح الرجا من وسط الاحداقي

انـكــرت حـالــي ولا حـقـقـت مطـلـوبـه
واستوطنت ما بقى من عمـري الباقـي

مــرّت علّـيـه ظـعـون الـقـوم منـهـوبـه
واسدل عليهـا الظـلام وساقهـا الساقـي

واردف عليها الهوى والبنت مخطوبـه
وزهابهـا غـاب فـي تكفـيـن الاشـواقـي

راحـت علـى بعلـهـا جـبـرا ومغصـوبـه
واجتاح صمت المدينه ضرب الاعناقي

غياّبة الجّب ما هـي مـن ورى الجوبـه
ولا بفـارس... ولا كنعـان... يالشـاقـي

اخوان يوسـف خـذو خوهـم ولا جوبـه
واستـودعـه والــده والـدمــع رقـراقــي

والدم شهادة يقين (ن) في طرف ثوبه
والذيـب مايلزمـه عـهـد (ن) وميثـاقـي

مسكـيـن يـاذيـب والغلـطـات محـسـوبـه
غـــرّوك مـابـيـن كـــذاب ن وصّـداقــي

تـعـال واقــرا علـيـك الكـهـف والـتـوبـه
وارقاك وانفـث عليـك السحـر يالراقـي

نجيـت لاكــن تــرى نـجـواك بأعجـوبـه
في ديرة (ن) صبرها مـا عـاد ينطاقـي

أضحك على من كتب ما شاف مكتوبـه
جفّت حروف القلم في بيض الاوراقـي

البارحـه هـمـت فــي عينـيـن رعبـوبـه
ترمـي بلحـظ الهـلاك ومــا لـهـا واقــي

حـتـى رمتـنـي وقـلـبـي صـابـتـه نـوبــه
وايقنـت بيـنـي وبـيـن الــروح بفـراقـي

يا كيف يرضى الحبيب بحرق محبوبـه
وآنـا عليـك احتـرق يــا ّسـبّـة احـراقـي

جيتك من الذنب... تمشي قبلي التوبـه
مـن غبـت وآنــا علـيّـه ضـاقـت آفـاقـي

.
* أعجبتني هذه القصيده كثيرا فحبيت اسدحها لكم هنا
شعر / غرم البهيشي