ماهي نظرتكم الى فتاة الانترنت ( كما يطلق عليها ) واقصد بها الفتاة التي تستخدم النت ؟
البنت فرد من المجتمع واستخدامها للنت مايقلل من اخلاقها
هذي تكنولوجيا واحنا كشعب او كعرب نحب تجربه الجديد دوما والمفيد احيانا والنت فيه فوائد كثير
تثقيف تعليم حتى بالمدارس والجامعات صار كل شي يعتمد عليه
وكل شخص او بالاحرى كل شاب وشابه هالايام صار لازم يكون عندهم ايميل لمراسله دكاتره الجامعه وللبحوث وغيره
وطبعا دخولهم للتسليه مو شي غلط اذا كان تحت رقابه
انه مو ضد البنت تدخل نت ابدا لاني انه ادخله بعد هذي سوالف قديمه اول ماطلع االنت الناس استخفوا حتى اذكر الوالد قال ماتوقع بيجي يوم وادخل النت بيتي
وبعدها بشهر جاب بطاقه والكل داخل
ونظرتي للبنت اللي بالنت تختلف
يعني فيه بنت تعرف انها محترمه من ردودها وكلامها ومواضيعها وبنت تعرف انها مو مضبوطه فهنا انا احكم
وطبعا الاهل لازم يحطون عينهم عليها
لان البنت عاطفيه بطبعها وصداقه ونص البنات مايعرفون عن الخبث اللي بالعالم فهنا يروحون فيها
هل يعني دخول الفتاة الى الانترنت ،،، والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ؟
اكيد لا
وزي ماقلت بالسؤال الاول البنت نحكم عليها من ردودها ومواضيعها
وكل بنت لازم تلتزم حدودها بالردود مع الجنس الاخر عشان ماتجيب الشك لنفسها لو حصل مثلا واحد من اهلها شاف مشاركاتها
بنظركم ،، هل كل فتاة تستخدم النت لابد أن يكون لها صديق ؟
لا عاد الدنيا مو فوضه
الحمدلله البنات فبلدنا متربين وكلهم بنات قبايل واصول
وكل وحده على تربيتها وماتوقع ناقصها شي عشان يكون لها صديق
بس الصداقه مو عيب يسمح بها لكن في حدود ما تتجاوزها وهي ادرى بنفسها
ترى ماهي بنظركم الحدود التي يجب أن تقف عندها الفتاة ،، حتى لايسيء استخدامها للنت اخلاقها ؟
تنتبه لمين تتكلم عالماسنجر او المنتدى وتفتح عينها وتحاول ماتنجرف مع العاطفه طبعا
والحدود اللي توقف عندها انها ماتسمح لاي رجل بانه يتطاول و يتمادى عليها ولا تسمح لنفسها ان تنجرف مع التيار خصوصا مع ابناء ادم يعني تدخل للنت شخصيه مجهوووله بس عشان تستفيد وتقضي وقت
ممتع بالاضافه تتبع المصداقيه بس بحدود
ماهو الخط الاحمر الذي يجب ان تقف عنده الفتاة وتقول للانترنت
وداعاً ؟
ماتوقع فيه احد بهالزمن بيجي له يوم ويقول للنت وداعا لانه صار من ضروريات الحياه
بس ممكن اذا تزوجت ماراح تفضى له وبتقل دخلاتها عليه لانها بتفرغ لحياتها و لزوجها اللي بيكون مصدر كل اهتمامها
انت كشاب تستخدم النت وتكتب بمنتديات ،، هل تسمح بمن تعولهم من زوجة او اخت او ابنة ان يستخدموا النت تحت اشرافك او بدون اشراف او تمنعهم ؟
انا مو شاب بس لو كنت شاب
اكيد مستحيل امنعهم
اشرف عليهم و اشوف شلي يدخلونه
مو مراقبه بس عشان اعرف اي منتدى مسجله فيه وشو ايميلها والحمدلله الناس متربين وكلن عارف حدوده
لماذا تكون الفتاه ضحيه دائما ؟ودائما يحلل للشاب ان يكون في كل مكان
لانها تصدق بسرعه وعاطفيه وتفكيرها دائما بقلبها فالخوف يكون كبير عليها ولان لو مثلا غلطت وضاع شرفها تكون انتهت حياتها
البنات انواع في من تقدر تسيطر وفي من تضيع
البنت بمجتمعنا ضحيه صحيح هي معززه مكرمه المكان اللي تبيه تروحه والشي اللي تبيه تسويه بس الاهل متشددين شوي وهذا اللي يخليها تطالب بحقوقها وحرياتها عندما اتحس انها مكبوته وحقها مهضوم في نس الوقت هذا خوف الاهل عليها بس تدرين الطرفين ما يعجبه الا رايه في النهايه
مارأيكم يا فتيات بهذا الكلام وبماذا تدافعون عن انفسكم بما يطلقونه الناس على فتاة الانترنت ؟
انا اقول اللي فيه بلاااهـ مايرميه على غيرهـ والنظرهـ المتخلفه اللي ينظرونها الرجال للبنات اللي يدخلوا نت انهم فاسدات وانهم وانهم لا هذي نظره غبيه ومو بهالزمن تمشئ فااقول معليش يا شباب شوفوا انفسكم بعدين تعالوا حاسبوا البنات
واعتقد مع التطور والتفتح مايصير هالكلام ولا عاد ينفع
ليش يقولون فتاة الانترنت مع ان البنت ما سوت اي شي غلط؟
لان على بالهم الكل مثلهم والشك لاعب فيهم لعب
ماذا تقولون ان وضعتم بهذا الموقف ؟
مااقول ولا شئ سوا انه هو الخسران ((انا فرصه لو ضيعتها هتزعل عليهاااا ))
لاني واثقه من نفسي الحمدلله
وخيرهـ لانه يمكن يجي اللي يعرف قيمتي
ابي راي الشباب والبنات بهذي القصه وابي رايكم بالموضوع
قصه الصراحه فوق الخيال .. وبعدين هي كانت تكتب بالمنتدى ماكفرتـ والا سوت شئ غلط شئ كانوا كل البنات يسونه وكان هالشئ قبل الزواج وتصرفه متسرع بالمرهـ
وحرام اللي سواهـ ببنت بريئه ماسوت شئ غلط
الله لايجيب لنا هالمواقف يارب
يسلموو على الاسئله واتمنى اني ماطولت عليكم