ماجور يا قلب ٍ من الحب مجروح
يطرد ورى اللي ماضي ٍ في عذابه

صاح الوريد أرسل له الصوت مبحوح
ويلااااه تكفى كافي القلب ما به

البعد طوّل والزمن ينزع الروح
والعشق صابه جاير الوقت صابه

الجرح ينزف كيف من غير مصلوح
لا والله إلا الحب زوّد صوابه

ما طاب نومي شارد الفكر مطروح
عند الحبيب اللي ذبحني غيابه

القلب ينشد تالي الليل وينوح
والعين تطرد من بكاها سرابه

أطرد سراب ٍ بأول العمر مفضوح
وأدري النهايه حلم واقع ذهابه

مسموح ياللي ودّع القلب مسموح
لا شك ذا شرع الزمان وحسابه



*الحقوق محفوظه لصاحبها