##استقلالية المرأه هل تعني إخراج الرجل
من حياة المرأه واعتمادها ع نفسها
هذه النقطه لها حوارين لماذا لان فيه مراه متزوجه تريد الاستقلاليه ومراه غير متزوجه تريد الاستقلاليه !؟
شوفي يا ام فيصل
الغير متزوجه الي تريد الاستقلاليه
طبعا انا اتكلم عن ذات الدخل >> ليش لان لو ماعندها مصدر دخل ثابت كان ما فكرت بشي اسمه استقلاليه بمعنى اصح ( الفلوس تغير
النفس ممكن الصح ممكن للغلط ) حسب
تفكير الواحده.
ليش لان هي تعتبر نفسها في بيت اهلها فيه من يصرف وفيه من يعطي وفيه من تطبخ
وتنفخ وهي الام
وللاسف يتعبون ويشقون بالاخير تجي صاحبة الدخل
تريد الاستقلال عن الاهل والاخوان !؟
يعني هي راح تنبذ نفسها بنفسها. احنا ك مجتمع ما نسمي هذا استقلال نسميه
نبذ من المجتمع.
لان بعض البنات يشوفون غيرهم ولابد يقلدون
طيب ممكن الاشخاص الي انتي متاثره فيهم ليسوا اسوياء
يمكن انهم فئه يستهدفون المراه السعوديه
تحت مسمى الحريه ..
نعم انتي مستقله ماديا لكن هل تقدرين
تستقلين عن عائلتك واحبابك مهما بدا منهم !؟
نجي للمتزوجه المتزوجه لما يكون عندها مصدر
دخل وتبحث عن استقلال ف هذا معناته
انها خلاص لا تريد هذا الزوج ولا الزواج بكبره
بمعنى خلاص ابغى الطلاق عشان استقل
انا وعيالي
طيب 👌
نجي يا ام فيصل للارمله ؟!
انا اقول كذا يا ام فيصل
لان في زمننا هذا بعض المتزوجات والارامل بعضهم مظلومات من قبل ازواجهم وبعضهم
ارامل مالهم احد
طبعا هي صار معها اطفال لما تاخذ اطفالها معها بيت اهلها !؟ مارح تلاقي غرفتها نفسها
ماراح تلاقي مكانها كما كان
هذا غير ان البعض يتضايق من الاطفال سواء كانوا صغار او كبار
فتضطر تستقل بحياتها
مسكنها لوحدها واطفالها معها
ماذا تعني لديكم هذه الاستقلاليه
الاستقلاليه بنظري هي استقلال للمراه الارمله
الي مالها احد بعد الله
ممكن ماعندها اخوان ماعندها اب يتيمه
ما معها الا تستقل بحياتها وتقود قاربها
بكل حب وقوه لحمايه نفسها واولادها
لان الاستقلال مسؤوليه عظيمه
خصوصا معها اطفال
اما الي معها اهل ومعها زوج
ومافي قصور من الاهل ولا الزوج
هي اسميها نبذ من المجتمع نفسه
يعني تطلع عينها بيدها
بدال ما تقول الحمدالله.
وبس والله هذا مافي جعبتي
الله يعطيك العافيه السفيره
شكرا لموضوعك الهادف