ماقدرت احكي ولا انطق بكلمة
اخنقتني عبرتي وعيى لساني
يوم شفتك مع هذاك اللي تكلمه
قلت في نفسي ليت الله خذاني!!
\
انت ما ظنيت قلبك فيه رحمه
عيني عينك خنت عشرتنا بثواني
قلبي المسكين مدري وشلون افهمه ؟؟!
هو يحبك انت وانتَ تحب ثاني
\
فوق ماهذا الزمن ذابحني ظلمه
جيت انت وصرت ضدي مع زماني
قاعد لحالي وكني بوسط زحمه
ليت ربي بساعةٍ شفتك عماني
\
كم تعبت احذر بقلبي و اعلمه
وللأسف ما طاعني فيك و عصاني
ادري ان اللي حصل وياي قسمه
و الحقيقة ودي اموت بمكاني
/
صدمتي والله ماهي اي صدمه
بذمتك شتقول لو جاك اللي جاني؟؟!
انت ما خليت للاحساس حشمه
ما وفيت لحبي و انكرت لحناني