المسافة
دمع نزف من داخل العين مقهور
يكتب على ذيك الليالي حسافه
يكتب عنا وقته ويكتب من الجور
أتعاب قصه في زمان الكلافه
ضاع الامل من داخل القلب مجبور
اقفى يوادع والمواني مسافه
ومن زود حزنه انطفى داخله نور
واظلم سماء كونه وزاده كسافه
وحن الخفوق وباقي الشوق منثور
وبين الامل والياس روحه تخافه
يوم الوداع اقفى من الوجد عـصفور
اقفى بعيدٍ نوح الايام لافه
حتى بنا من بين الاتعاس له دور
واقفت به الايام مابه مرافه
وجرحه بكى من لوعة الامس مكسور
يسأل زمان اليوم في بوح قافه
عن قلبه الملتاع والحظ بسطور
عن مامضى وياه وشفيه عافه
وينه عسى الايام تهدي له سرور
ويرجع من الايام كله لطافه
ومن الالم اصبح مع الوقت دستور
الجرح يبقى والمسافه مسافه
فهيد البقعاوي