انا اكبر من الحضور اللـي ملانـي غيـاب ..
وانا اكبر من الكلام اللـي يهـز الضميـر ..

اكتب وعين الزمن تقـرا حـروف الكتـاب ..
واستطعم الخوف من حال الزمـان المريـر ..

غريـب حتـي مـع النسيـان والاغتـراب ..
والحـب طير(ن) ربـا فينـي وعـيا يطيـر ..

مهما رمي الحظ في وجه الامانـي تـراب ..
بذكـرك ياسكـر ظلالـي وملـح الهجـيـر ..

ياسيدي في دفي بوحي لـك أكبـر حسـاب ..
من يوم علمتـي واشلـون احبـك واغيـر ..

ظمي الجفا في عيونـك وارتويتـك سـراب ..
قـل للمواعيـد تنسانـي وقــل للعبـيـر ..

تهابني خطوة اقدامي وانـا صـرت اهـاب ..
نزف الاحاسيس ونيـاب القـدر والمصيـر ..

لو كـان كـف المواصـل ماتثنـي وعـاب ..
يمديـك ترجـع وتاخذنـي معـك للاخـيـر ..

عاتبتني وانت حتـي فـي سكوتـك عتـاب ..
وانا اعتذرلك وعـذري مثـل قلبـي كبيـر ..

لاتزعل اليا جفاك من السحـاب السحـاب ..
شف وش كثر كنت غير وباقي الناس غيـر ..

والله لـو ان الذنـوب براحتينـك ثــواب ..
لاعيش عيشة وفـا وامـوت موتـة فقيـر ..