محاورة شعرية بي زوجين
الزوجه :
يعني نويت السفر بتوادع احبابـك
يعنـي بـدت رحلـه الغـربـه بوجـدانـي
يعنـي بتـم انتـظـر واضـيـع بغيـابـك
يعنـي مـن اليـوم بفقـد نصـي الثانـي
الزوج :
حبيبتي والله اني حاسـب حسابـك
ودمـوع عينـك تشـب النـار بأشجانـي
غصب علـي هالسفـر مجبـور بأسبابـك
قولـي لكـل العـواذل راح مـن شـانـي
الزوجه :
حبيب قلبي احبك مـوت واحيابـك
وابغـاك فـي كــل حـالاتـي وتبغـانـي
مبغـى فلـوس وذهـب ابـغـاك بثيـابـك
دامـك معـي اتحـدى المـوت بإيمـانـي
الزوج :
عهد علي لازرع اجمل ورد بترابك
وانـي لاارويـه مـن دم قلـب شريـانـي
تستاهليـن العمـر والعمـر يزهـى بــك
حلفـت انـا لاسعـدك كـان الله احيـانـي
الزوجه :
قول وفعل يابعد عمري واناادرابـك
واعـرف ظروفـك ولاكـن قلبـي اذانـي
ارجـوك تعـذر غـلاي اليـا تمـادى بـك
حاولـت اخفـي دموعـي بـس ماامدانـي
الزوج :
من شان هذا الغلا ومن شان اهدابك
مـن شـان عينـك بسافـر بـك لعنوانـي
بس اطلبي لـي وانـا واقـف علـى بابـك
وقولـي احبـك ويكفـي منـك ماجـانـي
الزوجه :
مليون احبك واحبك حيل واشقا بك
رح فـي طريقـك ومثـل ماكنـت تلقانـي
الله يــردك لقلـبـي واتهـنـى بـــك
وماعـاد يقـدر علـى توديعـك لسـانـي
مما راق لي
منقول
|