انا لو خسرت المال ل الصاحب الوافي
قسم ما أعتبر ذالك خسارة ولا منّه

أسوق الغلا واحمي جنابه عن الهافي
ويبشر بوقفت قوم ماخيّبت ظنه

وخوي المصالح لو نشيله على أكتافي
جحد موقفي لو قبل عيني ضحك سِنه

زماني معلمني على كل الاصنافي
ومنهو رماني في القفا ماعليّ منه

تبيّن لي الظاهر وبيّن لي الخافي
وعرفت الصديق إللي لي الودّ ياكُنه

عطاني زماني درس ياأصحابنا كافي
وثوبي حمى جنبيّ من لاهب الكنه

تغانيت عن مدّت قصيرين الاكفافي
وكفوني إللي ع الجمايل لهم رنه

ويارب طالب عفوك وسترك الضافي
وعسى ياجليل الملك تدخلني الجنة

بقلم/ابوخالد