القصيدة اللي منها البيت المشهور:

*قولوا لرعيان الغنم لا ينامون*
*أشوف بالمرعى مواطي ذيابة*

*القصيدة :*
*للشاعر : أحمد بن عبدالرحمن الخالدي*
و إليكم القصيدة كاملة

قولوا لرعيان الغنم لا ينامون
أشوف بالمرعى مواطي ذيابه

قولوا لهم خذوا الحذر لا تغفلون
كـم غـافـلٍ أصبـح حلاله نهـابه

و ترى الذيابه بالغداري يغيرون
والجوع ينْسيها الخطر والمَهابه

والذيب مايومَن على ما يقولون
يغـرس بارقاب الفرايس أنيابه

تلقون ضرب أنيابها كنَّها طعون
وجر المخالب مثل جـر الحرابه

أشـوف أشياءٍ لـهـا ما تشوفون
وتغيب عن بعض العقول النجابه

أقول قولي والخلايق يعرفون
خير الملا من قبلنا قد حكى به

لابد من يومٍ إلى الله تعودون
و كلٍ يبي يُسأل عن اللي رعى به

اللي رعوا بالشر للشر يجنون
واللي رعى بالخير يجني ثوابه
————