مايُرافقني ولايجلس بجنبي غير طيفك
أنت الاول في حياتي وأنت لي غاية منايه

الغلا لك ياالغلا وإللي تبي سوه بكيفك
حُبنا فطره من الله حُبنا ماهو دعايه

لو وصفتك ياحبيب الروح ماأبلقى وصيفك
مايشابه لك يكون البدر في عالي سمايه

ياحليف الروح لاتقلق وانا دايم حليـفك
والله إني في هوا غيرك قسم مالي هوايه

إحتضني دامني واقف على بحرك وسِيفك
لاتجاهلني وانا أعطيتك على روحي وصايه

ياحصِيلة عمري انا هذا أنا رحب بضيفك
فُكّ باب الودّ كان إنك تبي تكسب رضايه

خلنا نجلس ونتمتـع على شاشك وريفك
أسعد اللحظات يومك ياالغضي تجلس معايه

عُفت كل الناس لكن أنت لاوالله مااعيفك
أنت طبي وأنت من يُشفي جروحي ياغلايه

لا تصدّ ولا تعذر عارف اسلوبك وزيفك
الصحيح إللي حصل ياصاحبي فيه الكفايه

وألمهم أطلبـك يالمجمـول لاتهجر وليفك
خلنـا مع بعضنا حتى نصـل خـط النهايه

بقلم/ابوخالد