ساقت الاشواق كلّي على شانك وجيت
لاتُخيّب هقوتـي فيك يوم إشتقت لك

جيت عاني وأنشد الناس عنكم بيت بيت
مااستراح البال حتـى عرفنـا منزلك

ياحبيب الروح سامح مادام إني لفيت
من فُراقك يشهد الله ترى حالي هلك

في غيابك ياهوى البال ماعنكم سليت
لا تُخلـي شي بيني وبينك يشغلك

ياغلاي وياهوى ألبال ماعنك أغتنيت
باالغلا والوّد مافيه حيٍ(ن) يوصلك

لك مواثيـق العهد والمحبة مـاحييت
أنت نور العين ماعاش من هو يزعلك

لو تلف الأرض والكون كله مالقيت
ماأنت لاقي شخص مثلي أنا يتحمّلك

هذي أكفوفي وخُذ ياحياتـي مابغيت
مُدّ كفك لي وصافح عسى الله يمهلك

هذا أنا جيتك وما عنك يالغالي نسيت
لاتناسى صاحِبك يوم رد الوجه لك

والله إني في محبتك مابعت وشريت
أنت الأول وأنت حُبي وفي عيني ملك

سعد السويحي