المشاركة الأصلية كتبت بواسطة ابوخالد

على طاري الشعر والمطبخ طال عمرك في يوم كنت لحالي وأم العيال وعيالها راحو زياره الديره
دخلت المطبخ قلت اسوي لي غداء وصكت في راسي أسوي كبسه
المهم تذكرت أم العيال الله يحفظها وانا مشمر سواعدي اطبخ وانفخ واغسل هههههه
قُلت هذه ألأبيات عاد إضحكو بكيفكم ههههه
=====
غابت عن العين ربي لايغيبها
إلا عن الشر وظروفاً تُقابلها

من بعدها حالتي ربي معذبها
أطبخ واغسل ولحمتنا نقلقلها

يمناي صحنين والحله مركبها
مركي على الكوع وعيوني تغازلها

سويت لي طبخةً بيدي مُعرّبها
تُشفي مواجع سقيماً يوم ياكلها

ليتك معي ياغلا روحي تجربها
وتقيّم الوضع وإن قصرت عدلها

أذكرك يابنت ياإللي زان مذهبها
وأبقى طوال العُمر منسى فضايلها

وانا تحراك والساعات نحسبها
من غيبتك حالتي زادت مشاكلها

قلت القصيده وانا يابنت كاتبها
وهذا علومي من الجوال نرسلها

خلصت طبخي والارضيه مشطبها
وحتى الدواليب في المطبخ مقفلها

هاوسلامتكم