رد: لماذا لا نُعدّد ؟
اول شي .. الرجال اذا نوى يتزوج ماراح تهمه اي معضلة في الدنيا وكل تفكيره منصب في انه يتزوج وحده ثانيه يفاخر فيها قدام اخوياه وربعه
ثانيا .. ابي اخوض تفصيلا في انو كيف الي يتزوج ثانيه وثالثه ورابعه اكثر سعادة واستقرار وصحة من راعي واحده .. نو وي اطلاقآ كلام غير صحيح وان حصل فلكل قاعدة شواذ .......
الي مكتفي بواحده سيكون اكثر سعادة وراحة بال .. والشواهد امامنا كثيرة .. بالمقارنه بين زوجين الاول متعدد والثاني موحد
الاول مديون وتعبان ونفسيه،، وصحته منهاره ضايع بالطوشه بين تلبية طلبات زوجاته وحل مشاكلهن الي ماتنتهي اضافة الى الابناء المشكلين وش كثر
بيكون بينهم تحدي وهوشات وشكاوي ع الطالعة والنازلة .. ناهيك عن مضاعفة المصروف وكثرة المشاوير والزيارات ومايتبعها من هدايا وتقديمات وتكاليف مالها حدود ..
الازواج يصيحون من زوجة مابالكم اذا كان متعدد كيف بيكون الوضع وكيف
بتكون نفسيته،، هذي تسحبه من هنا وهذيك من هناك ولو فيه زوجه ثالثة تصير جلطة ثلاثية الابعاد زي الي في موضوع جودي هههههه
بينما الثاني سعيد ومبسوط ومرتاح ومنشال على كفوف الراحة
ولا وجع راس ولا يوم هنا ويوم هناك ولا راح زمانه وهو يبي يعدل
ومو قادر. يعني في نارين نار جهنم لعدم مقدرته على العدل ونار المشاكل
الي محيطه به من جميع الاتجاهااات
يااخوان قروا وانثبووا على وحده اذا ماكان
عندكم اسباب ودوافع كافية للتعداد
وخليكم ع قرودكم لا يجيكم اقرد ..
مره كنت بمجلس وواحدة من الجالسات وعمرها في الستين تقريبا وزوجها اكبر بكم سنه ،، المهم
تزوج عليها بنت في الثلاثين يعني كبر بناتها وذيك الفترة كان ليسع مملك فيقولون لها الحريم ليش ما تحاولين تمنعينه يالخبله وتخلينه يطلقها .. ردت على الجميع رد مسكت
بالفم المليان قالت : خليه في ستين نيله قدني ماخذته وانا بـ 17 سنه واخذت كل شي حلو من عمره ومابقي الا فضلتي والي تبيه وبترضى فيه مبارك عليها بس مصيرها ترميه ويرجعلي يحبي وساعتها اركله برجلي ....
قوية يم فلان لله درك .. وننتظر الركلة الحرة على احر من الجمر ههههه
عموما فيه ناس تدعي للخير وناس تدعي للشر وكاتبتنا المبجلة مع الاسف الشديد قد امتلآ ميزانها بحسنات اخريات ممن دعين عليها صبح ومساء ..
|