منتديات قبائل ال تليد - عرض مشاركة واحدة

اوسمتي · 09-01-2015

اقتباس:

المشاركة الأصلية كتبت بواسطة الحره

اهلين عبير
موضوع جميل كـ جمال حضورك

بس حرااام خلي الشباب يستانسون ويردون بعضهم
ماشاء الله اطلق من عشر حريم في الطباخ بل وفي امور البيت كلها
بلكي نستفيد من خبراتهم وحركاتهم الفوضوية في المطبخ
ههههههه
لبى قلبك يـ قمر وكل الشكر ..

عندي مشكلة كبيرة بعرضها عليكم وافيدوني
احب اتفنن في الطبخ بس اكره المواعين والحوسه الي تجي بعد
كمان اكره الغسيل والكوي وتنظيف السلالم والارضيات
والمصيبة الخانقه رائحة الكلوركس .. !!
وش اسوي ياصبايا هل من حل امام هذه المعضلة!؟

المشكله ي قلبي شكلك تطلعين كل المواعين عشان تطبخين كم طبق
شوفي بقولك شي وعن تجربه
انا احب اطبخ واتفنن وعبير تعرفني بس في نفس الوقت احب المطبخ يكون نظيف ومرتب
كنت اول احوس المطبخ واطلع كل المواعين والملاعق عشان طبق بيض ههههه
واخلي الزيت والملح برا واقلب الطبق بملعقه واحطها واخذ ملعقه نظيفه عشان اطلع الطبق .
شافت امي الله يرحمها الحوسه هذي كلها قالت نصيحه وخليها في بالك طوول حياتك
استخدمي ملعقه وسكين وصحن حتى لو بتطبخين ذبيحه وطلعتي الملح رجعيه ع طول ماتخلينه برا الزيت رجعيه البهارات حطي ورجعيها مكانها الصحن اللي تخلطين فيه مثلا كيك اغسليه ع طول وسوي في نفس الصحن عجينة الفطائر ونفس الملعقه اللي تخلطين بها اغسليها واستخدميها وخلصتي كم طبق ما معك
يبي غسل الا ملعقه وسكين وصحن وبكذا ما تحوسين المطبخ ابدا يجلس مرتب وتستمتعين بالتفنن في الطبخ
وتاكلين وانتي مرتاحه ماتشيلين هم المطبخ حووسه
جربي وشوفي بنات كثير معاد يشيلون هم الطبخ بعد تنفيذ نصيحة ههههههههههه منال العالم ...

اما الغسيل الكوي غسلي اول باول لا تخلين الملابس حتى تصير كثيره كذا تتعبين ولا تقدير تخلصين في يوم .
مثلا عندك زوج ملابس اليوم اغسليها واكوي ما تاخذ منك وقت .
عندك عيال قولي في اليوم ممكن تغيرين لهم مرتين اغسليها ع طول تخلصين ولا ياخذ منك وقت بكذا ما تشيلين هم بلعكس راح تستمتعين
..اطبق هذا النظام في حياتي والحمدلله كل شي ماشي تمام ولا اشيل هم شي ويكون عندي وقت فراغ .

اما تكرهين التنظيف اتوقع مالها حل هههههههههههه .
حاولي تستغنين عن الكلوركس في تنظيف الارضيات استخدمي منظف السيراميك افضل منه
وجيبي كم عطورات من اللي تفضلين وموية ورد مع بخور اخلطيهم مع بعض مع موية الشطف روووعه مره وتجلس تطول في البيت
وبسسسسسس وشكرا لي وعفوا لك هههههههههه