ولد اسمه عايش وبنت اسمها نورة كانو يحبون بعض واتفقوا انهم يتزوجون راح عايش لابو نورة وطلبها منه لكنه رفض بحجه ان عايش فقير ومازال صغير! قرر عايش السفر والضرب في ارض الله الواسعة طلبا للرزق والتجارة وقال لحبيبته نورة انا بسافر اتاجر وارجع غني حتى اتزوجك! لكن اوعديني انك ماتتزوجي غيري قالت له نورة اوعدك راح عايش يتاجر ورجع بعد سنه سأل عنها قالوا له :تزوجت انجن وجلس يصارخ ليش هي وعدتني ماتتزوج قالوا له :زوجوها واحد غصب عنها وهو من خارج المدينة ولايعرفون اسمه ولا مكانه راح عايش مدينة وراء مدينة وكان يروح لأماكن تجمع الرجال ويقول لهم عندي لغز واللي يجاوب عليه حلال عليه كل مالي وحلالي وبعطيكم فرصة اليوم وبكرة ولكم الحرية إنكم تسألون اهلكم

واللغز هو (ابي انشدك عن ضيء القمر وشلون _نورة)

وفي كل مرة يجاوبونه ابيض, رمادي, واللي ماعنده اجابة وفي احد المدن قال لهم اللغز ورجع واحد من الموجودين لزوجته وخبرها انه في واحد مجنون يقول بيعطي كل ماله وحلاله للي يجاوب على لغز هي جاها فضول تبي تعرف شنو اللغز قال :(ابي انشد عن ضيء القمر وشلون_نوره) ابتسمت وقالت : قول له (مثل السمك من دون بحر البحر وشلون_عايش)

قالها :متأكدة
قالت:متأكدة

اليوم الثاني :
قال الرجال لعايش انت قلت (ابي انشدك عن ضيء القمر وشلون _نوره)
انا اقول (مثل السمك من دون البحر وشلون _عايش)
ابتسم عايش وقال مالي وحلالي لك بس سلملي على نوره خسر حلاله علشان يعرف شلون"نورة"