تبين الصدق مليت أنتظارك
كفاية اللي من أسبابك جرى لي
سنة و أكثر و أنا مراقب لدارك
إلين الصبر من صبري رثى لي
جفاني النوم و إنتي النوم زارك
صفا وقتك و وقتي ما صفا لي
سهرت الليل ... أتحرى نهارك
و صوتي بح من قولة " تعالي "
ذبحني بسطوته رائع سمارك
و جنني ثغرك اللي يلالي
شعلتي فــ الخفوق الصبّ نارك
و جددتي جروحه بالدلالي
تحسبيني بأعيش أرقب خيارك
ولا أقدر أشيلك من خيالي
مثل ما أنتي غرورك هو مسارك
ومثل ما أنا شموخي رأس مالي
كبيرة حيل فــ الحب انتصارك
على مثلي و أنا شيخ الرجالي
فمان الله ..... ما بي انتظارك
بأسيبك للشقا و أشوف حالي