قصيدة حنا حروب افعالنا ترفع الراس

وقبائل حرب يرجع نسبها الى

حرب بن سعد بن سعد بن خولان بن عمرو بن الحافي بن قضاعه





حنا حروب افعالنا ترفع الرأس *** نفخر بها ما هي فعول دنيه

حروب لنا في عالي المجد مجلاس ***احرار ما نحب لوطنا الأذيه

نحمي وطنا وضد من فيه وسواس *** اللّي تحركهم ايدين خفيه

دونه نبيع أرواحنا وغالي الماس *** عدونا نسقيه كأس المنيه

واللـيّ يخون العهد ما فيه نوماس *** يستاهل اللعنة وضربة قوية

ومن شوه الأسلام مع كل الاجناس *** هذاك ماله عندنا قابلية

هذاك مسكين غشا وجهه أعماس *** ما ينفعه من وقعـّه بالخطية

ومن لايقيس الزين والشين بقياس *** يأخذ ما زان ويبتعد عن ردية

لا بد ما يقع وله يوم ينحاس *** يجيه يوم يبعد عن خويه

حنا بلدنا شامخ مثبت الساس *** يحكم بشرع الله وسنة نبيه

وحكامنا عدال من خيرة الناس *** ال سعود مـثـبـتين الهـويـة

ما مثلهم للدين والأمن حراس *** أختارهم رب السماء والبرية

والليّ يعاديهم لابد ينداس *** ويذوق طعم الذ ل والمحقرية

وصلاة ربي عد ماهب نسناس *** على نبي عزنا في مجية