يقـول مــن جــرب حـيـاة المحبـيـن=من فرقة الأحباب ماشفـت راحـه
مـن فرقـة الأحباب ما نامـت العـيـن=والقلب عطف الصدر يطلع فواحـه
ليل المحـب يشبـه ليالـي المساجيـن=با اشهد على نفسي وأقول الصراحه
يمر ليله بالجـفـاء والـمـظـانـيـن=ويـزيـل هـمـه لأقد اقـبـل صبـاحـه
للضيـق والراحة لمـن حـب وقتيـن=وقـت الجفاء لا الـيـوم جهز مـراحـه

عزي لمن مثلي لـه أشهور وآسنين= يمسـي يعانـي هــم مافـيـه راحــه
خلـي جفانـي والجفاء موقفه شـيـن=والقلـب مـن فـرقـاه زادا نجـراحـه
أبات ساهرو اسعد الـنـاس ممسـيـن=كـنــي مسافر مـالـقـي لاسـتـراحـه
كــم يا ليـالـي قد مـضـت نومـهـا ديـن=والقلـب مـن فـرقـاه كـاتـم نيـاحـه
حبه جرى مجرى دمي فـي الشراييـن=وله قصرفي جوفي وسيع ألمساحه
قلبـي تعـرض للخطر بـيـن سهمـيـن=سهـم الجفاء والسهـم لأخر كفـاحـه
قلبـي على فـرقـاه مقـسـوم نصفـيـن=من يوم صوب لـه حبيبـي رماحـه

فلا ذكرتـه يصبـح الـجـرح جرحـيـن=والقلـب لأشافه يـزيـد انشـراحـه
من جور مآبي في هوى داعج العين=اخفي سراير فـي ضميـري مباحـه
والقـلـب فــي سجـنـه مقيد بقـيـديـن=عسى حبيب القلب يطلق سراحـه
أصبحت فـي حبـه كسير الجناحين=مثـل الصـقـر ذي خاذلـنـه جنـاحـه
لـه فـي كيانـي قصر بيـن البساتـيـن=والورود والازهـارمـن كــل واحـــه
لـيـتــه يــــزور ديارنا بـعـد يـومـيـن=ولا الزمـن يسمـح بفرصـه متاحـه
وليـت الزيارة تشـتـرى بالملايـيـن=لا اشـري لخلـي تـذكـره للسيـاحـه
ولـيـت المحبة سـافـرت للمحبـيـن=لا أروح أداوي خاطري من جراحه

مـا فـادنــي دكتور لندن وبـرلـيــن=ولأنفع دكـتـور طـب ألجراحه
سافرت أنا لنـدن وقضيـت شهريـن=من شان ينعـم خاطـري بارتياحه
ولا وجــدت أعلاج عند الـمـداويـن=وعلاج قلبـي عند خلـي صـلاحـه
واهدي تحيـه عاطرة توصـل الزيـن=وأرجو على التقصير منه ألسماحه