منتديات قبائل ال تليد - بعض الوجيه أن صوتت قلت لبيه...!!

بعض الوجيه ان صوتـت قلـت لبيـه
وبعض الوجيه ان صوتت قلت لحوول:

وبعض الوجيه اصـد ماكنـي اوحيـه
وبعض العرب لو مايحاكيك مقبـوووول

وبعض العرب لو كـان بريـال مابيـه
وبعض العرب ودي بشوفه على طـول

وبعض العرب لو قلت يالوعتـي فيـه
مهما بلغت بوصفـه الحـب معقـوول

وبعض العرب لامـر ذكـره وطاريـه
انصت بدون شعور سـارح ومذهـول

لو غاب طيفه فـي عيونـي تراعيـه
على رجاء شوفه من الحـول للحـول

ياجعلنـي مـاذوق حزنـه ولا ابكيـه
وش عندي اغلا منـه يفـداه واقـول

هذا الغلا يلحـق علـى روح راعيـه
ولايقـدر الا بـري حالـي ويـاحـول

كـم واحـدِ ضاعـة بخلـه هقاويـه
واصبح هو اللي عن خطا الوقت مسئول

لكـن جريـح الحـب يلقـى مداويـه
معقول يسلم من شقى الحـب معقـول

هذا بعض ماقلـت عـن سـر خافيـه
والموت لامـن انتهـى الحـب مقتـول
أبن نااااااااااااااااااعور