|
قولها بلسانك
احم احم بسم الله الرحمن الرحيم السلام عليكم ورحمة الله و بركاته مساءكم حب و فرحة قلب صباحكم نكد اقصد عسل و سمن طبعاً كل دولة عندها ابداع في اللهجات خصوصاً المملكة و عُمان كل زاوية لها لهجة غريبة عجيبة ما تدري من اي قاموس طالعة فـ خلونا نستانس شوي و نضحك على بعض و نتعرف على حكاوي بعض ووووووو نلعب على بعض الفكرة كالاتي انا بقول جملة الي بعدي يقولها بطريقته بلسانه بلهجته و كذا تستمر السالفة او انه الي العضو قبل يطرح كلمة و يسأل الي بعده ويش معناها يالله Let's goooooooooooooooooooo |
رد: قولها بلسانك
فكره جميله راح يكون فيها تعقيدات كثيره ههههه
عز الله بتتعبين معنا ياميساء ههههههه خلي البدايه عندك Let's goooooooooooooooooooo |
رد: قولها بلسانك
اقتباس:
نورت حضرة نائب المدير 🫡 لا لا تاكل هم ابد صح عُمانيــــة بس اعرف اهرج سعودي حائلي سعودي نجدي سعودي جداوي سعودي حجازي افوق التوقعات 🤭 ما معنى كلمة " محدرة " 😶🌫 |
رد: قولها بلسانك
ههههههه متعددة اللهجات هيا يعني تحدي 😜
محدره يعني مدحدره هههههه يمكن اسفل 🤔 وش معنى عرصه 🙃 |
رد: قولها بلسانك
خطــــأ مو القصد منها كذا صح انه معناها اللغوي انحدار او انزلاق لكن نحن في عُمان نسمي ( منشفة او فوطة او قماشة مسح الصحون و الرفوف : محـدرة : ) |
رد: قولها بلسانك
اقتباس:
احم العرصة مادري كيف اشرح عمود او غرفة مدري فيه معاني لها كثير الي اعرفه انه بالفصحى معناها حوش البيت او باحة المنزل |
رد: قولها بلسانك
ومنك نستفيد صراحه هذا الي طلع معي هههههه
العرصه قربتي تعني الارضيه نقول عرصة البيت وعرصة الغرفه يعني عند التحدي جوابك صحح وتنتقلين للمرحله الثانيه ههههههه طيب نقول ( زنبيل ) وش تعني هذي 🙃 |
رد: قولها بلسانك
هلا والله بالحجازي اتذكر انه صديقتي تقول ( للكيس ) زنبيل وانا اضحك عليها يعني شيء تقدر تخلي فيه شيء مثل الكيس او الوعاء |
رد: قولها بلسانك
معنى ( اشخطك للولد … اشخطش للبنت )
|
رد: قولها بلسانك
هههههههه
يا زين الصباح ويازين مواضيعك يا ميساااء رغم الموضوع موجوده مسبقا ولكن مايهم بما في لغة او لهجة جديده وجايا من عماان مرحببك ...... اشخطلك عندنا معناها احط علامه او مثلا شخبط شااخبيط ^_^ هاااا وعند البقية شو معناها؟؟ |
رد: قولها بلسانك
شو معنى
جّب |
رد: قولها بلسانك
اقتباس:
هلا فيك يالغالية هههه انت الزين كله ❤ اشخطك في عُمان معناها اضربك يستخدموها الاجداد 🤭 |
رد: قولها بلسانك
اقتباس:
جبّ كانها كلمة كويتيه معناها انطم او اسكت عاد مدري ويش معناها في السعودية نحن نقول ( وس ) يعني جب بالكويتي هههه لغوياً جبّ معناها البئر |
رد: قولها بلسانك
جب عندنا
انزل من فوق الحدريعني جب تحت استاذه ميساء الحياة ممكن اقول لك انا السعوديه من اكثر الدول في العالم يوجدبها الهجات مختلفه الكثر القبايل في الجنوب والشمال والشرق والغرب وش معنا( مابجي شويه اعوينجي) |
رد: قولها بلسانك
لا اعرف معناها ؟
ايش معنى ( من قبيلا وانا تحراك ) ؟ |
| الساعة الآن 05:43 PM
|
Powered by vBulletin® Version 3.8.11
Copyright ©2000 - 2024, vBulletin Solutions Inc.
new notificatio by 9adq_ala7sas
استضافه ودعم وتطوير وحمايه من استضافة تعاون