منتديات قبائل ال تليد

منتديات قبائل ال تليد (https://www.al-taleed.com/vb/index.php)
-   - "تحليقات في فضاءات همس القصيد" (https://www.al-taleed.com/vb/forumdisplay.php?f=10)
-   -   عمر البحر ماشال هم السفينة حكم راعي الفزعه (https://www.al-taleed.com/vb/showthread.php?t=37755)

الـماس 05-23-2020 12:42 AM

عمر البحر ماشال هم السفينة حكم راعي الفزعه
 
عمر البحر ماشال هم السفينة
من طبعي ارد الإساءهـ { بالاحسان }
وأساير ظروف الزمان اللعينه ..
وأطوف الغلطهـ من { أفلان .. وفلان }
يعني من أجل { عين } تكرم مدينهـ ..
الكامل الله والخطا طبع { الانسان }
والدرب يفرق عن يسارهـ ويمينهـ ..
و { ـالصاحب } ا للي لـهـ معزهـ ولهـ شان
ان جاني بـشينهـ.. تذكرت زينهـ ..
اتحمل اخطاءهـ معي { قدر الأمكان }
من جانبي تبقى العلاقهـ متينهـ ..
واللي { يغلطني } وانا ماني بغلطان
اصابعي احطها { وسط عينه } ..
مادامني مسلم وفي قلبي إيمان
عمر{ البحر } ماشال هم السفينه ..
مرت علي { انواع .. واشكال .. وألوان }
بين { العقول } الناقصهـ .. والرزينهـ
عندي قناعه ان { الإنسان شيطان }
اذا يهينكـ { لازم } انك تهينـهـ ..
يعني اذا حاجتكـ { بيدين عدوان }
يكفيكـ شر المهزلهـ .. والغبينهـ ..
من{ كثر ماجاني } من الناس خذلان
تحرجني حتى كلمة { الله يعينهـ }
صحيح لي { ربع .. وجماعهـ .. وخلان }
وأضيق لكن حاجة الناس.. شينهـ
الشخص دام انه بكل شي{ خسران }
تأكد انهآ من عمايل { يدينهـ } ..
من مرحلة { حب .. ومشاعر .. وحرمان }
إن مالعنت الحب تلعـــنهـ سنينهـ ..
اكتب شعر واعزف من { اشواقي الحــآن }
واسلي قلوب الغرام الحزينـهـ ..
ولو الشعر مخلوق في { هيئة انسان }
والله لأقول له تسلم { واقبل جبينهـ }

.

فزاع 05-23-2020 01:39 AM

رد: عمر البحر ماشال هم السفينة حكم راعي الفزعه
 
الكامل الله والخطا طبع { الانسان }

صح لسان قائلها وسلم بنان ناقلها
يعطيك العافيه الماس .. اختيار مميز
كل الشكر

ام هتان 05-23-2020 03:49 AM

رد: عمر البحر ماشال هم السفينة حكم راعي الفزعه
 
الله يا الماس
كل سطر احلا من الثاني
حبيت الموضوع ورايق وراقي
والنهاية مافيش اروع منها
يسلم ذوقك يا غلاي
تقيمي ويستاهل النجوم ياااجميله
والايك

الصامت 05-23-2020 02:08 PM

رد: عمر البحر ماشال هم السفينة حكم راعي الفزعه
 
اختيار حد الابهار


شكرا تعانق المزن

السعيدي 05-24-2020 12:15 AM

رد: عمر البحر ماشال هم السفينة حكم راعي الفزعه
 
لماس

ليس بالغريب عليك الابداع والتميز

وفقك الله وطال في عمرك

ننتظرجديدك القادم بالتوفيق

قناص الجنوب 05-25-2020 07:03 PM

رد: عمر البحر ماشال هم السفينة حكم راعي الفزعه
 
اختيار جميل
سلمت يدينك

عروبة وطن 05-26-2020 01:15 AM

رد: عمر البحر ماشال هم السفينة حكم راعي الفزعه
 
اختيار جميل رغم صعوبة معانية
الشخص دام انه بكل شي{ خسران }
تأكد انهآ من عمايل { يدينهـ } ..
من مرحلة { حب .. ومشاعر .. وحرمان }
إن مالعنت الحب تلعـــنهـ سنينهـ ..



سلمت يمينك على ما جلبتي لنا


الساعة الآن 02:51 AM

Powered by vBulletin® Version 3.8.11
Copyright ©2000 - 2024, vBulletin Solutions Inc.
new notificatio by 9adq_ala7sas
استضافه ودعم وتطوير وحمايه من استضافة تعاون