توك صغيرة..!!
توك صغيره وبديتي تحبين للشاعر :/ بدر بن عبد المحسن
توّك صغيره وابتديتي تحبين من علّمك ليل السهر ياصغيره ؟ بدري عليك العشق يابنت هاللحين حرام هذا القلب وشهو مصيره ؟ انتي بريئه في الهوا ليه تشقين ؟ دروبه طوال ٍ عليك وعسيره رحتي بدرب ٍ ماله اصلا ً عناوين وانتي مشاويرك من اول قصيره ياطفلة ٍ حبّت وراحت على وين ؟ عقب الهنا ذقتي الحياه المريره وينك ووين الحب والشوق والبين ؟ عنّيتي عيونك وصرتي سهيره امحق تسلّي كان ودّك تسلّين الورد لولا اللّون وشهو عبيره ؟ خلّيتي دروسك وصرتي تحاتين* الدرس في ديره وصرتي بديره وصرتي بعد من غير هذا تغارين والمشكله يابنت منتي خبيره نصيحتي لك كان ودّك تردين يم السعاده والحياه المثيره خلّك بجو العايله لا تعدّين ماما وبابا والعجوز الظريره شيبانك اللّي مايبونك تعانين من بينهم عشتي كأنـّـك أميره الحب قبلك هز ناس ٍ كثيرين وخلاّ القلوب تعيش هم ٍ وحيره الحب يفضح لا انكشف داخل العين وانتي بنفــّسك ماهقيتك بصيره طيعي كلامي واحذري لا تمادين تراجعي لاعل في الأمر خيره عيشي الطفوله والبراءه لك سنين وبعدين حبّي لا غديتي كبيره . |
رد: توك صغيرة..!!
روووعه يا جووود ..
إنتقاء غايه في الروعة والجمال سلمتِ جووود وسلمت ذائقتكِ الراقيه . دمتِ بود وسعاده . |
رد: توك صغيرة..!!
الذوق في تواجدك العطر
شاكرة وممتنة أخي الحريصي |
رد: توك صغيرة..!!
خانني احساسي فهطلت دمعة على الهدب تفاعلآ مع ابيآت القصيد!
صح لسان اميرنا وسلم بيانك وبنانك جوود على اختيارك الآلق. تستحقِ النجوم ***** |
رد: توك صغيرة..!!
أبيات رائعه
سلمت يداك عزيزتي على النقل المميز وفقك المولى ورعاك دمت بخير |
الساعة الآن 08:30 PM
|
Powered by vBulletin® Version 3.8.11
Copyright ©2000 - 2024, vBulletin Solutions Inc.
new notificatio by 9adq_ala7sas
استضافه ودعم وتطوير وحمايه من استضافة تعاون