منتديات قبائل ال تليد - تدري وش اللي يجرح القلب جرحين

تدري وش اللي يجرح القلب جرحين
ويمد حبل الحزن فيك ويشـــــــــــده

انــــك تناظر طفل من غير ابويـــــن
يمشي ودمعـــــه سايل فوق خـــــــده

منظر صعيب ويقسم القلب قسميــــن
لا قـــام يمسح دمعــــــه بكــف يــــده

يمشـــــــي ولايدري طريقه على وين
لين التعــــب من كثر ماتاه هـــــــــده

اثقل حروف يشيلـــــــــها فيه حرفيـن
لا أب يـــــــــــدري به ولا ام تــــرده

في خطوته رحله ودمعـــــــه وسكيـــن
حـظ توســــــــــد بالمراسـي مخــــده

جيت اسأله بالله قل لي ولد ميــــــــن؟
وبغــــــى يجاوب واختنق صوت رده

انا يتيــــــــم وما لدربـــــــــي عناوين
وجزر الحزن فيني يساوي لمـــــــــده

وطعم الطفــــــولة ما عرفته لها للحين
وثوب السعادة صرت مانيـب قـــــــده

ابكــــــي الى من شفت غيري سعيدين
لين البكـــا فيني يوصــــــــل لحــــــده

واقفي ورحت امسح دموعي من العين
وعيني تناظر دمعته فـــــــوق خــــده

وهذا اللي يجرح القلــــــــب جرحين
ويمد حبل الحـــــزن غصب ويشـده