منتديات قبائل ال تليد

مساءكم صفاء,,
وحشتوووني أدّ الدُنيا كلهاhttp://forum.te3p.com/images/smilies/2009/t015.gif
وقلت مايصير اجيكم ويدي فاضية..
جبت لكم قصيدة عجبتني للشاعرة(آهات ليل)http://forum.te3p.com/images/smilies/2009/t132.gif

::

والله اني من فراقك ضاق بالي
ضاق بالي لين ضاقت هالوسيعه

ليت لي في غيبتك صدرن شمالي
لجل اكف الدمعه ان سالت سريعه

ويش حالي في فراقك ويش حالي؟
ما اقول الا فراقك لي فجيعه

شف قصيدي جا من الفرقا ارتجالي
والمعاني جات من همي مطيعه

وش حداك اليوم يا قاطع وصالي؟
وش بلاك اليوم اعلنت القطيعه؟

هي ظروفك حدتك يا راس مالي؟
او خطا الايام المفارق تشيعه؟

او لقيت اليوم يالغالي بدالي؟
وضعت انا عقبك حبيبي الف ضيعه..!

مارسى غيرك على شطي وجالي
ليه ترحل ماخذن قلبي وديعه

ما هقيت انه يجي لفراق تالي
وما هقيت احساسي بلحظه تبيعه

يا غلا قلبي ويا ضيعة منالي
يا دواي وداي يا احساس الخديعه

انت واحساس الموادع والليالي
كل منكم احسن بقلبي صنيعه

ما بقالي شي عقبك ما بقالي
غير دمعن لا مسحته جا تبيعه

يا كبرها ان صحت وانت ما تبالي
والله اني مت من كثر الوجيعه

ضاق بالي ضاق بالي ضاق بالي
ضاق بالي لين ضاقت هالوسيعه

ودي لكمhttp://forum.te3p.com/images/smilies/2009/t015.gif