منتديات قبائل ال تليد - الرومنسي المنحوس

تعددت الألقاب ووجه النكبه واحد
الرومنسي المنحوس

الله يسلمكم كل انسان يحلم باليوم الي يتزوج فيه
جتني الوالدة قالت نبي نخطب لك بنت عمك وإنت أكبر عيالنا ونبي نشوف أحفدنا

قلت في نفسي وجه نكبة واحد يكفي

قلت لها البنت إيش رايها قالت أمها سألتها وماقالت شي..
تذكرت المسلسلات المصريه
السكوت علامة الرضى
عشت لحظات حلوه .. بكمل نص ديني
بعيش الاستقرار الي أسمع عنه ولا شفته
المهم قرروا يخطبو لي رسمي بعد مانرجع من السفر
اجتمعت العائلتان وقرروا يسافروا مع بعض..
اخيرا بجتمع مع الحب تحت سقف واحد
سقف السيارة طبعا
المهم كشخت بالثوب الابيض والغترة البيضاء
وراكب قدام بين عمي وأبوي السيارة جيمس من النوع الكبير
وفي أثناء رحلتنا حصل عطل في السيارة
وزين يوم وصلتنا المحطة... دخلوها في الورشة
ونزلوا يشوفون وش فيها
أنا هنا لازم أتدخل وأصير منقذ للموقف.. مابيهم يخافون
قلت بجيب لكم عصير وماء
رحت وجبت لهم مالذ وطاب من أنواع العصيرات والكيك والشكولاتات
وأنا راجع لهم قاعد أتميلح لزوجة المستقبل
عيني أنا مافارقت زين الأوصاف
خله يشوف صويحبه كيف كشخه
شايل معي مالذ من كل الأصناف
أبيه لاشاف غيري قال كخه

سمعت صراخ لالالالالالا
ياخبل قدامك
انتبه
وأنا ماأدري شسالفة
بالله إيش ترجون من واحد وجه نكبه

حفرة الزيت قدامي ومادريت إلا أنا وسطها
راحت الكشخه
راحت العصيرات
خربت الرحله
كلي زيت وشحم وريحتي زيت محروق
انكسرت يدي وضلعين من صدري جعلها فدا للي عيونه رمني

كلها كوم وكيف يطلعوني كوم.. أتزلق من بين يدينهم
وباقي متمسك بكيس العصير
عفستهم عفاس جو بيركبوني السيارة قال أبوي والله مايركب

ليه ياأبي والله أنا فلذة كبدك جنينك😩

قال عمي بشتريله ملابس من المحطه
مايبوني أوصخ سيارتهم
جابلي سروال أخضر مخطط من الجوانب بأبيض
وفنيلة حمرا أترك لمخيلتكم شكلي

لبسوني وركبوني في المرتبة الاخيرة

صار الغضي قدام عيني أشوفه😍
وده يقول لصاحبه ألف لاباس

استغربت منها تهز كتوفها من البكي..
ودي أمد يدي وأمسح دموعها وأقول لها أنا بخير يانظر عيني

جت الطامه الكبرى الحقيرة ميته ضحك علي
وصوتها طلع من كثر ماتضحك أبوها قال عيب يابنت
وجت عيني في عينه وفطس ضحك
أبوي وأمي.. السيارة كلها تضحك وأنا أصارع الألم والونات

ماقهرني إلا العصير يوم مشينا منتثر حول الحفره 💔

الحمد لله تم الزواج بعد فترة بسيطة

وصارت أغلى من عيوني😍😍