منتديات قبائل ال تليد - العذر مات.................ومات همه وراعيه

منتديات قبائل ال تليد (https://www.al-taleed.com/vb/index.php)

- - "تحليقات في فضاءات همس القصيد" (https://www.al-taleed.com/vb/forumdisplay.php?f=10)

- - العذر مات.................ومات همه وراعيه (https://www.al-taleed.com/vb/showthread.php?t=5367)

العذر مات.................ومات همه وراعيه

طاح العتب .. ما هيـب لحيـة مشاريـه
...................خـل الكـلام .. و حبـل الأعـذار طـوّه

ما راح اقول أشلون .. او كيف .. او ليه ؟
..................تـرى السـؤال بـدون أجابـه مـشـوّه

العذر مااات .. و مـات همـه و رااعيـه
.................و الجرح جف .. و جـف غيمـه و نـوّه

صاحبك ضاع الهرج مـن بيـن أشافيـه
.................مـا كنّـه اللـي كـان قبلـك .. مفـوّه

يجمع لـك مِـن الشعـر فاخـر معانيـه
................و يمـوت عنـدك قبـل فـيـه ايتـفـوّه

ليه أنصـدم ؟ و تخـون قلبـي هقاويـه
...............و يطيح نجمـي .. و أنخـذل فـي علـوّه

أصدق مع الواحـد و احبـه .. و اثاريـه
.............. طـوول الليـالـي معتبـرنـي عــدوّه

لا يـا بعدهـم .. و أول الغيـث تالـيـه
..............و أنت اتعرف قلبـي .. و خيـره و سـوّه

يمكن لو انك قلت غلطـان .. قلـت ايـه
.............مير البلا انـك طلعـت .. ناقـص مـرّوه

قل لي متى شحيـت فـي شـي ٍ أعطيـه
.............و قل لي متى صـارت محبتـك .. خـوّه

يصعـب علـى الرجـال يثبـت مباديـه
.............و ان كانه اثبت .. كيـف يثبـت سمـوّه

الله يبيحـك عـن خـطـاك و تمـاديـه
............و يبيـح قلبـك عـن خطـاه و غـلـوّه

ما دام حبك خالطـه شـك .. مـا ابيـه
...........حب العتب و الشك .. مـا اعيـش جـوّه

ما كنّـي اللـي كـل مـا تلمـس ايديـه
...........يغمـرك بأحسـاس و حـنـان الأخوه

و ما كني اللـي كـل مـا مـر طاريـه
...........ضج الفضـا باسمـه .. و عكـر هـدوّه

يـا مرحبـا بالجـرح .. و الله يحيـيـه
...........لا صـار مـن يمنـاك و الجـرح تـوّه

بعض الجروح ان صابـت القلـب تنهيـه
...........و بعض الجـروح .. تـزوّد القلـب قـوّه

الله كتب .. و القـوس فـي كـف باريـه
...........و اللي تشوفه يا أبيض الوجـه .. سـوه

تحياتــــــــــــــي