|
ارجو الدخول في الحال !؟
السلام عليكم ورحمة الله وبركاته
مساء الانوار اعضاء ال تليد موضوعي يحتاج ردود جاده بعيده عن التصنع والمثاليه باختصار هل على الزوجه خدمة اخت زوجها التي تكبرها بسنين وتنفيذ رغباتها والجلوس معها والانصات لها وتغذية فضولها في كل شارده ووارده وهل من حقها ان ترفع صوتها عليها وتظهر عدم رغبتها بوجودها معها بنفس المنزل ؟؟! وخاصة ان لديها ابناء وبنات واخوة اخرين !؟؟ وهل هي ملزومة بها في كل طلعة وكل مشوار او سفر لاي مدينة اخرى !؟ يالله المايك معكم ،؛ |
رد: ارجو الدخول في الحال !؟
ههههههههههههههههه هذي اعصابك ي ندى بختصار ع قولك ماعلى المراة الا خدمت زوجها بببببببببببسسسسسسس
غير هيك لاااااا ... ماف الكرت معها غير زوجها واولادها الباقين ع قول صديق خلي يولي اختي الكريمة الله اعطانا عقول نفكر بها واعطانا قدرة على الكلام المنطقي المقنع على الزوجة ان تصارح زوجها بان لا يمكن يدخل حياتها غيره اذا كان منصف ف اهلا وسهلا ينصف زوجته واذا كان غير ذالك ف الحمد لله اليوم بضغطة زر وحقوق الانسان عند الباب وصلى الله وبارك بس قبل ابلاغهم لابد يعلم الزوج بان هذا الاجراء س يتخذ ف تقول رجاء لا تخلينا ناخذ حقنا بالقوة ف الجمالة افضل اذا وصلت الغصب مدري وش يبقى لنا من استقامه ف البيت انا جاوبت وانا معصب معك مدري لو يجي واحد ويصلح احسن مني ههههههههه ونسأل الله ان يحفظ بيوتنا وبيوت المسلمين وان يقام فيها العدل |
رد: ارجو الدخول في الحال !؟
مو بنا راعية المصيبة ههههههههههههههه
الرحال انت كذا 👍🏻👍🏻👍🏻👍🏻👍🏻 الف شكر ولي عوده باذن الله . |
رد: ارجو الدخول في الحال !؟
عساك ماتلقين بحياتك غليبه ي ندى انا تكلمت بما معناه مع اني استبعدك وانا اكتب انك مو راعية الصميبه ع قولك ههههههههه بس اقول اكيد انك متنفرزه من الموقف باين من نبرة واسلوب الكتابه والعنوان ههههههههه انك منفعله وانا كمان حسيت اني تنفرزت بعد ههههههههههههه الله لايبلانا : النبي صلى الله عليه وسلم تعوذ من قهر الرجال او بما يعنيه المعنى
|
من العنوان درعمت ع طول واقول الله يستر وش صار ههههههه
صراحه مافي شي يلزم الزوجه بخدمة اهل الزوج ولكن التعامل الطيب والود والاحسان مطلوب اذا ارادت الزوجه تقبل احد من اهل الزوج في بيتها وتحتسب في ذلك الاجر فامر طيب وان لم تستطيع تقبل هذا الامر فلاشرع ولاعرف يلزمها بذلك الا في احلك الظروف واقصاها فتقديرا لابد ان تقبل الزوجه الوضع حتى يفرج طبعا مانختلف احترام اهل الزوج ومعاملتهم الحسنه امر واجب ومطلوب وكل ماتحملت الزوجه لاهل زوجها كان ذلك مدعاه للاجر والمثوبه ورضا زوجها وتقديره لها و ع الزوج ان يكون ذكي ولايقابل النسوان ببعض الواحده بتتمشكل لو مع اختها اذا هي عايشه معها في بيت واحد عاد اهل زوج ومدري ويش عز الله بتقوم حرب ولاواحده بتطيق الثانيه مع الوقت وبتصير تظلمات ومشاكل غريبه عجيبه ماتنحل يعني بالمختصر يفرق بينهم لو بستاره هذا حل والباب الي منه ريح يتقفل ويادار مادخلك شر في الاخير ع الغريب ان يكون اديب ثم اديب وأديب زياده و ع المضيفه ان تحترم وتقدر ضيفتها وتداريها وتداري مطالبها قدر الامكان ومن تعرف حق الضيف واكرامه تدرك وتفهم هذي الفضيله الي ماجائت الا من الشرع والعرف المعروف من زمان والله يصلح الحال |
رد: ارجو الدخول في الحال !؟
اقتباس:
ادليت بدلوك اخي الرحال كفيت ووفيت وماقصرت .. الله يعطيك العافية . بعض الناس تاخذه العزة بنفسه وان هذي اختي وفين تبيني اوديها ارميها في الشارع يعني ولا اقول روحي غصب عند عيالك انا ماابيك ، فتكون اخته صعبانه عليه ومن باب الاصول يحسن اليها ويرحم ظروفها وحاجتها له ويجي الضغط على زوجته ويجبرها تتحمل وتصبر وتاخذ على نفسها عشان خاطره ولكن بدون جدوى الله لا يحطنا في هالمكان انا دايما اقول اي احد حدته ظروفه على الحياة بهذي الصورة لازم تحسن اخلاقها وتحترم اهل البيت وتتركم بحالهم وماتحشر نفسها بينهم وتمشي وهي معدوله والا زي ماقلت خلها تولي ههههه |
رد: ارجو الدخول في الحال !؟
اقتباس:
الحياة بشكل مرضي ولكن هالنماذج من الزوجات الي تحترم وتقدر و.... و..... هي تبي تعيش حياتها بشكل منفصل عن اهله او احد افراد اسرته ولا تبي احد يتدخل فيها او ينتقدها او ياخذ زوجها منها ومن هنا تصير المشاكل التي لاحصر لها ... لابد يكون هناك حل جذري وخاصة اذا كان عند الاخت ابناء واخوه غيره ليه ناشبه في هذا البيت تحديدا وهي عارفه انها عبء ثقيل وغير مرغوب فيها ولا المساله صارت عناد ؟؛ ليه ما تحاول هيا تحل مشكلتها وخاصة انها شايفه وشكثر مسببة ازمه بين اخوها وزوجته مثلا توزع وقتها مره تروح عند بناتها ومره عند اولادها وكذا تمشي الامور يمكن رأيي مايكون صائب او مايناسب صاحبة القضية ولكن هذا الي عندي اضافه الى ماتفضلتم به انت والاخ رحال ولازلنا ننتظر مزيد من الاراء |
رد: ارجو الدخول في الحال !؟
والله ي ندى الاخت غاليه مهما عملت تبقى هي هي ماتغيرت مثال لو زعلت الزوجة وحجرت وقالت خلاص ودني اهلي حاول مانفع ب الاخير س يوديها الاهلها طيب تشعبت المشكلة اهلها وقفو معها زعل الزوج وقال والله لا اطلقها لكم واشبعو فيها دخل الشيطان من هذا الباب وصل الحد ان طلقها انتهت من حياته بعدين تزوجت رجل اخر يدها بيده وعينه بوجهه راحت من حيات الاول هذا مثال
الثاني الاخت اذا زعلت من اخوها بسبب انو ما سمع كلامها وربما اغلا زوجته اكثر وطنش الاخت لعل الامور تهدأ زعلت وراحت مثلا لاخوها الاخر جلست شهر حتبقى هي الاخت ماتغيرت وتشتاق الاخوها ويشتاث لها ويرجعون يصطلحو لا محاله هنا التناقض الزوجة راحت لغير رجعه لكن الاخت موجوده هنا يبرز غلات الاخت ولكن من الناحية الشرعية الزوجة ليسة مكلفة بغير زوجها عليه ان يقنع اخته بطريقته ويقول انتي يوم وانتي مزوجه هل ترضين يدخل بحيات زوجك غيرك ويتحكم مثل ما تفعلين انتي ...انتي عندي خذي عين فراش والعين الثانية دفاء لكن سيبي لي زوجتي التي قد لا احصل منك راحتي مثل ما احصل منها تخدمني اكثر وفيه ؟؟؟؟افهمو المقصد من غير توضيح ههههههه اذا تيسرت ولا يستأجرشقتين بجمب بعض ويحط كل واحده بشقه وبكذا صار عادل اختي على راسي وربي ما اعقها بحاول ارضيها بشتى انواع الطر ولا سيما اذا ماكان لها غيري استأجر لها واكد عليها وارضيها لانها اختي زوجتي ربما تزعل من اي امر لو من غير اختي وتسيبني وترح لرجال غيري لكن اختي لاغنا لي عنها ولا غنا لها عني ف التصرف بالحكمة وبدائل الطرق افضل وموشرط ي انا ي هي من الاثنين فيه حلول ترضي الطرفين ولا بد ان يبين لهما مكانت كل واحدتا عنده وهم يسمعون سوى ويقول لا تحرجوني وتحطوني في حلقه ضيقه ويحكم لهما بالعدل ومن رضيت بالحق فلها ومن لم ترضى ان كانت الزوجه اذا ركبت راشها والله صعب لكن ب الاخير بدالها مرة لكن اختي مافيه بدالها اذا تبغاني اهينها عشانها لا اخرجها بشقه مستقله وتتيسر الامور المعذرة غ الاطالة |
اقتباس:
واذا ما استحى فماحد بيستحي منه والمصارحه في هذي الامور لاباس بها ولكن بعد مايستنفذ الصبر والنقاش مع الزوج وافهامه واقناعه بطريقه مناسبه لحساسية الموضوع لانها تبقى اخته وقد لايرضى عليها الله يعين بس كل مشكله ولها حل واكيد للحل مفتاح من القريبين الي يعيشون المشكله في الاخير الصبر طيب وقد تنتهي وتمحل المشكله بدون منقود ولا مشاريه مع احد وايضا لابد ان يتحملون الناس شويه ويدارون الامور حتى تنتهي |
رد: ارجو الدخول في الحال !؟
اخواني الرحال وتميم
ردودكم جدا رائعة لانها احتوت القضية من جميع جوانبها بارك الله فيكم ونفع بكم اللهم أصلح بين كل زوجين ولا تجعل بأسهم فيما بينهم , , ولا حول ولا قوة إلا بالله , شكري وتقديري ياافاضل . |
رد: ارجو الدخول في الحال !؟
مال الحريم عندكم ياندى مايتحملون أهل الزوج
لا يكون إنها البنت الأولى تخلصت من أم زوجها ورجعت لأخته هههه أمزح.. الله يوفقها ويسعدها ويفرج همها الصراحة صارت نفوس الناس ضيقة مايتحملون بعض ويالله الواحدة متحملة زوجها وعيالها وبعض الناس الله يهديهم حتى الصخر لو نطق شكى منهم لا ذوق ولا أسلوب المهم ماشاء الله تميم والرحال كفو ووفو ولا عندي اضافة لما قالوه ربي يصلح الحال ويهدي النفوس ويسعدهم وفقك ربي وبارك فيك |
رد: ارجو الدخول في الحال !؟
هههههههههه
اختي السوسن هذي قضية اجتماعية تعاني منها اغلب الاسر في كافة المجتمعات حتى تلاقي النسوان في جمعاتهم اغلب حديثهم ام زوجي قالت واخت زوجي عادت وزادت وليست ظاهرة جديدة لدي فئة معينة من الناس ! ومثل ماقلتي الوحده يادوبك في زوجها وبزورتها الله المستعان ،، الاخت تنبلع لكن الام صعب صعب جدآ ولدها يآثر زوجته عليها مهما كانت قسوتها ،، والي ماله خير بامه مابيكون له خير في زوجته اما الاخت عاد كل وحده وطبعها واخلاقها في التعامل معها لكن شرعآ الزوجة ليست ملزومه بها بتاتآ البتة ، شكرا لك ولمداخلتك اختي السوسن يعطيك الف عافية |
رد: ارجو الدخول في الحال !؟
بدون مقدمااات
دائما الزوج هو الا يحكم افعال المراءة ارجع اقوول اذا الزووج يستااهل ان الزوجه تعاني ضغوطات الاهل وهو يقدر ذالك ويعلم ان زووجته محكوم على امرها فااا تستحمل قلنا في المره الا فااااتت الام ومكانها معرووف لا مجال الكلام فيه ام الاخت والاخ لاااا والله مالهم اي حق في اي شي من الا قلتيه يا ندى لابد ان يكون هناك موقف واااضح من الزوجه واوضح من هذا كووله موقف الزوج ان يضع خط احمر وحدود بين العلاقات والا الدنيا بتكون مثل المشبك بينهم تعرفيه ؟؟هههههه اذا ما تعرفيه خبريني اشرح لك هووو ههههههه |
رد: ارجو الدخول في الحال !؟
الله يسعدك اختي ندى الجنوبب
وبصراحة الاخوان ناقشوا الموضوع نقاش جميل وراقي وحاولت ان اجد جزئية لم يشملها نقاش الاخوان من شان اتطرق لها بالنقاش ولكني لم لي مكان غير ماتم التطرق له من قبل الاخوان اشكرا كل الاخوان علي ما رأيته هنا من مداد جميل يستحق المتابعة |
رد: ارجو الدخول في الحال !؟
اختي ام هتان
واخي ابوفواز شكرا على مروركم الكريم كفيتم وماقصرتم الله يعطيكم العافية الله يعينن الازواج على زوجاتهم معد فيه الا عينات اللهم ياكافي لاتحترم اهله ولا تحترم كلمته وكان معها صك ملكيه عليه وعلى بيته لابد الوحده تتحمل وتصبر وتحط نفسها بنفس المكان عشان تعرف توزن الامور ،، الدنيا دواره ودوام الحال من المحال والاخت ان حدتها ظروفها على الاقامه مع احد اخوانها لازم تكون عون لهم على برها برها وماتحاول تحدث ادنا مضايقه بينهم وبين زوجاتهم هي الي محتاجتهم ولازم تحسن اخلاقها ومعاملتها مع الجميع وتحاول ان تسدد وتقارب كي تكسب حب الجميع واحترامهم ،. |
| الساعة الآن 03:41 PM
|
Powered by vBulletin® Version 3.8.11
Copyright ©2000 - 2024, vBulletin Solutions Inc.
new notificatio by 9adq_ala7sas
استضافه ودعم وتطوير وحمايه من استضافة تعاون