من بغى الفرقى لقى
من بغى الفرقا لقـى لـه عـذر واسبـاب ودليـل ...........خل عنـك العـذر والاسبـاب دام الحـب ضـاع كان ودك بالفراق .. ابشر عسـى عمـرك طويـل .............لاتـردد وانـت لـك كلمـه ولـك امـر ٍ مطـاع لـي عليـك انّـك تبّـت بكلمـة ٍ تشفـي الغليـل .........ولك عليّ انـي لأوّقـف وقفـة الرجـل الشجـاع لاتجاملني مخافة ( قال ) مـدري خـوف ( قيـل ) .........عمر ( هرج النـاس ) مايسمـن ولايغنـي جيـاع كان قصدك ( سر حبك ) .. اوعدك لأصبح بخيـل .......واحمل اسرارك معي للمـوووت قـدر المستطـاع بس قلها ... قل ما احبك ... وابشر بصبر ٍ جميـل ...........لاتحسب أني مثـل مـن طبعهـم لـوي الـذراع صاحبـك ماهـو كـذا ياصاحـب القـد النحـيـل ............صاحبـك طبعـه غريـب وغربتـه غربـه طبـاع فـي الهـوى مايقبـل الحـل الوسـط ولا القليـل .........مثل ماهو لاشـرى يشـري .. ليامـن بـاع بـاع ثابت ٍ لو هـي تميـل الارض حـدره ... مايميـل ............يـدري ان الفقـر ماهـو عيـب والدنيـا مـتـاع ماعشـق لـذّة حياتـه كثـر عشـق المستحـيـل .............ولا كـره حتـى مماتـه كثـر كـره الأنصـيـاع كم تعلّـم مـن شديـد البـدو وش معنـى الرحيـل ........وكم تعلّم من غروب الشمـس وش معنـى الـوداع وكم تعلّم من سحاب الصيف وش معنـى الحصيـل ..........وكم تعلّم مـن ليـال البـرد وش معنـى الضيـاع ايه انا هذا طريقي ( موحش .. وصعب .. وطويل ) ............وانت لامنـك تعبـت .. العالـم فجوجـه وسـاع اعتبرنـي فـي بدايـة سكّـتـك عـابـر سبـيـل .........و رح وانا قلبي معك من ويـن وجّهـت الشـراع يكفي اني لاانذكرت فـي سالفـة عشّـاق .. قيـل .........عاشر احبابه شجـاع .. وفـارق احبابـه شجـاع |
رد: من بغى الفرقى لقى
صح لسانك يا ابو فهد وجعل عمرك طويل ,,,,,,,,,,,,خوتك بدراهم تشترى ما هي تبــاع
اعتبرني في بداية سكّـتك عابر سبيل,,,,,,,,,و رح وانا قلبي معك من وين وجّهت الشراع |
رد: من بغى الفرقى لقى
ابو فهد شاب راسك وانت قلبك عليل ** ماتعب من جور الايام قلب شجاع تحياتي لك يابو فهد |
رد: من بغى الفرقى لقى
قصيده رائعه شكراً لك اخي ابو فهد
|
رد: من بغى الفرقى لقى
ابوفهد
يعطيك العافيه قصيد جميله تقبل مروري [marq="3;right;3;scroll"]تحـــــــــــــــــــــ لك ـــــــــــــــــــياتي[/marq] |
رد: من بغى الفرقى لقى
شكري وتقديري لمرور الجميع وإن شاء الله أيامكم كلها فرح وسرور بعيداً عن الفراق ومتاعبه
|
رد: من بغى الفرقى لقى
صح لسانك
قصيدة جميلة تقبل مروري |
رد: من بغى الفرقى لقى
صح لسانك يالشاعر 0
كلمات جميله وراااااااااااااااااااااااااااااااائعه 0 سلمت اناملك ابو فهد 0 |
الساعة الآن 10:34 PM
|
Powered by vBulletin® Version 3.8.11
Copyright ©2000 - 2024, vBulletin Solutions Inc.
new notificatio by 9adq_ala7sas
استضافه ودعم وتطوير وحمايه من استضافة تعاون