قصيدة من أجمل القصايد (الكفو تظهر فزعته حزة الضيق)
قصيدة من أجمل القصايد (الكفو تظهر فزعته حزة الضيق)
الطيب فرصه والجمايل توافيق= ومن لاتوفق ماكتب له جماله ومن لارقا للطيب روس المشاهيق= مازان له وقته على ماطراله ومادام لفعول الجمايل عشاشيق= كسب الجمايل مايجي بالسهاله ولو أنها تشرب على فكة الريق= كل(ن) خذاله كل ماأصبح بياله والطيب منوة للقلوب المشافيق= كل(ن)يتوفق ومنوته رأس ماله والمدح مايزهي على الرجل ويليق= الا ليا صارت وآفيات خصاله يستاهله رجل(ن) يفك المزانيق= اللي يقال ونعم لاجا مجاله ومن ساقته نفسه وهو مابعد سيق= لآجل الجمايل سهل الله مجاله والمرجله ماهيب تحتاج تنسيق= ومن بين قلب اللي عشقه رجاله ومن عادة الدنيا تخون المواثيق= تفتر مكراتها سوات المحاله ولولا اللوازم ماعرفنا المخاليق= وما نعرف الرجال لين ننعناله والكفو تظهر فزعته حزة الضيق= وينشاف في الشدة بعين العواله نسل الرجال متعبين الملاحيق = متوسط(ن) ما بين عمه وخاله واللي يطيق ولاجات قال ماطيق= نمو عليه المرجله والشكاله والهينه تكبر على اللاش وتضيق= له في الرخا قاله وفي الضيق قاله والطيب شارة والضماير صناديق= واللاش طيبه ما تعدى ظلاله ومادام في الدنيا رجال ومطاليق= نصيتهم واللاش مالي وماله |
رد: قصيدة من أجمل القصايد (الكفو تظهر فزعته حزة الضيق)
قصيده اكثر من رائعه
سلمت يداك اخوي مفرح ابدعت بطرحك يعطيك العافيه ولاعدمنا جديدك المميز تقديري وفائق احترامي |
رد: قصيدة من أجمل القصايد (الكفو تظهر فزعته حزة الضيق)
اخوووي مفررررح قصييييده اكثر من رائعه بوووك قلمك سيدي الفاضل |
رد: قصيدة من أجمل القصايد (الكفو تظهر فزعته حزة الضيق)
أخي الكاسر
أختي الخيالة السعوديه شكرا لكما على المرور والمشاركه وفقكما الله وأسعدكما بطاعته |
الساعة الآن 09:20 PM
|
Powered by vBulletin® Version 3.8.11
Copyright ©2000 - 2024, vBulletin Solutions Inc.
new notificatio by 9adq_ala7sas
استضافه ودعم وتطوير وحمايه من استضافة تعاون