منتديات قبائل ال تليد

حبايبي ** في منتدنا المحبوب **
قصيده راقت لي ..
فجلبتها لكم

القصيده تتكلم عن الأخوه والصداقه ..

هـ اليومين المزاج شعبي
قصيده من اروع مآ قرأت ..
اتمنى ان تنال على اعجابكمـ..

حمـَـام يا اللي فوق الأغصان غنَّـى -- غَـرِّد و أنا بعدك بغرِّد و أغنّي
جّر اللحن و ( اشْلَع ) على ما تمنـّى -- مالي و لا لك غير كـِثر التمنّي
عمرٍ مضى و أنا أسمع اللي يونّا -- و أهِـلِّ دمعي لاسمعته و أونِّـي
ما هو وَلَعْ باللي تِهِزّ و تـثـنـّى -- و لا هو طَرب ؛ من زين صوت المغنّي !
ما زاد من حُــبِّ العذارى حزنـَّا -- مهما على درب المحبَّــة دَعَـنِّي
ما همنـّي بعيونهن لو غزنـّـا -- و ما همني سهم النظر لو طَعَـنِّي
بس الخوي اللي حسبناه مِنَّــا -- و اللي على فرقاه كِنَّـا نـِحِنـّـي
اللي من أول لا بغانا زبَنـّـا -- لامِنّ مِيلات الدهر مَيَّلَـنِّـي
سهمه سِـطَـا بالروح يومٍ طعنّا -- نيران غدره بالحشا ولـّعنـّـي
يا طير قل لي وش حصل في زمنـَّـا -- كيف الذي يَظلم يعيش متهني
كيف الذي نِغْلِيه يَرخِص ثمنـّا -- عن واجبه مَعْنا يِصِدّ و يِكِنـِّـي
حِنـّـا الخطأ يا طير نرفاه حِنـّـا -- و حِنـّا على أحسن ظن دايم نِظِنـِّـي
لكن بعد ما زلّ زاد وغَبَنـّـا -- يوم ادّعى إن الجور يا طير مِنِّي
يا طير ، يا طير السَّعَد لا تَعنـّـا -- و أنا معك يا طير أعينك و أعِنـِّي
خِذني معك يا طير لحظة تُونـّـا -- دامي معك يذهب غثا البال عَنِّي
و إن ردّد القُمْري لحونه و ثَـنّـى -- أردد الألحان بعده و أثَـنِّي

شرح بعض معاني الكلمات

اشلع / ارفْع الصوت ..
زبنــّـا / قـَـصـَـدْنا ، أو التجأ لنا .
سِـطَـا / يَعني نَفَذ ، و تأتي بمعنى ( جريء ) ..
نرفاه / فمعناها قريب من معنى المحاباة أو الرِّفْد .
و معناها في القصيدة (( أي نتحمـّل الخطأ ))

.....
للـ شاعر :: حمود الشمري
تحيتي