|
جيت استاذن الذكرى ..
جيت استأذن الذكرى ..
وبعد إذن الغلا .. والعمر .. والعِشرة.. أنا استأذن .. معاد لجلستي داعي ... ورحت ارتب شناط الحزن .. واجمّع اشيائي .. بقايانا .. صفار اوراقنا .. علبة رسايلنا .. هدايا العيد .. عزانا .. هذي الدنيا تحب تباعد الغالين ! خوّي العمر .. إذكرني إذا عين الزمن ضاقت واذا دمعاتك انساقت .. تذكّرني تراي اغليك .. ولو بيدي فلا تحزن لكن هي الدنيا كذا ما دامت لغيرك ... خوّي العمر .. ما أسلى مع غيرك ... تخيّل ! ما همل غيث الفرح مرة على روحي من آخر يوم شفتك فيه .. ولا نامت عصافير الأمل في عش عمري من تفارقنا ... وكيف اسلى مع غيرك ؟ ومن غيرك يحس الحزن في عيني وانا تجتاحني البسمة ..؟ ومن غيرك يعرف اللي افكر فيه .. قبل احكيه ..؟ خوّي العمر .. ما أسلى مع غيرك ..! وكثير أحزن .. وانا مؤمن بإن اللي حصل قسمه .. واللي يخبيه الزمن خلف اظهره قسمه .. بس الفراق يلوع ! خوي العمر .. لا تبخل على روحك .. فـ تطبيبك جروحك الجرح لو يبرى ما يشبه الجلد السليم .. والحزن لا يِدرى خلك مع احزانك كظيم .. خاو المكان اللي قبل ما نفترق كنّا نجيه .. سولف على اوراق الشجر قصة غلاي خوي العمر .. ما انساك .. اتذكّرك واتذكّر الكرسي الخشب اللي جلسنا فيه .. نتصوّر الفرقى ! وعيوني اتوايق على عيونك وهي غرقى ! وآقول لك : عادي .. أعمارنا تفنى .. عشنا بها وشفنا ؛ ما فيه احد دايم .. وتقول لي : عادي !؟ وآقول : مو عادي . لكن نبي ننسى .. وقلوبنا يمكنّها تقسى ويسودنا صمت الشتا وشفاهنا خرسى .. ونغير الموضوع وآقول : غنّي لي .. وامسح لك دموعك .. ويغرد احساسك : في بعدك .. نسيت النوم واحلامه نسيت لياليه وايامه وكن الحديث اللي جرى ما بيننا أزعل رضا شمس الشتا وراحت تغيب .. خلف البيوت المقفية راحت تغيب .. والبرد يزايد ! ونقوم نتوادع على أمل باكر .. ما زلت متذكر !! خوي العمر .. كيف انسى ؟ انا وانت .. وليالينا .. واغانينا .. وامانينا .. ؟ وكيف انسى .. ألق روحك ، والصدق في بوحك ؟ صدقني ما انسى .. خوي العمر .. إذكرني .. ولا تحزن .. تراي اغليك .. واظل اغليك .. ولا لعمري خويّ الا انت ! ولك مني فلا أنساك .. خوي العمر .. ما أنساك .. ما أنساك ! |
رد: جيت استاذن الذكرى ..
وَ جيت أستأذن الذكرى
أبي : صوتك ! وَ همسك وَ شالك و شوي من عطرك أبي تعطيني أشوي من قربك أبي جنبك أبي لو نص من كلمة أحبك .. أبي تعطيني الذكرى شوفة عيونك وَ أقبل جبينك أبيك وَ بأوعدك ماحد قرينك باقي على الذكرى ! باقي أذكر الدفا وَ حنينك وَ لمسة يدينك باقي ما نسينا باقي ناطرينك ! - مجاراة متواضعة .. هاج الشعور من العنوان فـ كيف بِ المضمون ذائقة منفردة بحق .. لِ جمال ما قرأت زهرة أوركيد وَ لـ جمال الذائقة باقة ياسمين تعطرك يا أبيض طبت :) |
رد: جيت استاذن الذكرى ..
((الحريصي)) كلمات راقيه من قلم راقي سلمت اناملك الرائعه على هذا النثر الرائع ابدعت واكثر دمت ودام نبض قلمك لك تقديري. |
رد: جيت استاذن الذكرى ..
رائعه كعوايدك اخوي الحريصي
حروف ذهبيه .... بنان مع فكر مبدع تميم |
رد: جيت استاذن الذكرى ..
اقتباس:
تتمايل هنا الحروف طرباً .. وتهزها النشوة على إيقاع هطولكِ السخي.. وترسم لوحة موسيقية لا تصلح إلا لكِ ولحرفكِ ذو النغم الخاص الذي لون المدى بالنور والجمال . عزوؤوف .. ترنيمة حرفكِ سحر تتراقص له الروح طرباً ويسكن الوجدان بعذوبته . انا حقاً اتعلم منكِ يا ساحرة الحرف . كل الشكر لكِ والتقدير وعظيم الود على هذا الحضور البهي . الحريصي .. |
رد: جيت استاذن الذكرى ..
اقتباس:
صاحبة الحضور الأجمل اميره .. لا تحرمي الصفحات النور من إطلالتكِ يا بهاء اقف إحتراماً لعبوركِ يا اميره .. شكراً لكِ ودمتِ بود وسعاده الحريصي.. |
رد: جيت استاذن الذكرى ..
اقتباس:
تميم أنيق الحرف وعذب الحضور لإطلالتك شذى يعبق في الصفحات الروعة تكمن في في هذا العبور الأنيق يا أنيق شكراً لك ولا تحرمني تواجدك في صفحاتي . الحريصي .. |
رد: جيت استاذن الذكرى ..
بالرغم من عذوبة مدادك الى ان الوجع لم يسلم منه
دمت مطرآ اخي الحريصي تزهر من تحته البساتين جل شكري يـ قدير . |
رد: جيت استاذن الذكرى ..
اقتباس:
نغمض أعيننا ونحلم .. وليتنا لا نفيق إلا وقد غمر أرواحنا فرح أبيض يسامر بوح حروفنا ليطرد عنها الألم . الحره .. حضور يقرأ ما بين السطور لقلبكِ الفرح يا أنيقة الطله ولا عدمت هذا العبور المميز شكراً لكِ ودمتِ بود . الحريصي .. |
| الساعة الآن 04:11 PM
|
Powered by vBulletin® Version 3.8.11
Copyright ©2000 - 2024, vBulletin Solutions Inc.
new notificatio by 9adq_ala7sas
استضافه ودعم وتطوير وحمايه من استضافة تعاون